राष्ट्र हितमा समर्पित

यातायात व्यवस्था विभागका कर्मचारी विरुद्ध विशेष अदालतमा मुद्दा दायर

बुधवार, १३ मंसिर 8:17 AM

अख्तियार दुरुपयोग अनुसन्धान आयोगले यातायात व्यवस्था कार्यालय इटहरीमा कार्यरत उपसचिवद्वय विष्णुप्रसाद पौडेल र होमनाथ अधिकारीसहित चारजनाविरुद्ध मंगलबार विशेष अदालतमा मुद्दा दायर गरेको छ । आयोगका अनुसार उपसचिव पौडेललगायतले यातायात कार्यालयमा उठेको राजश्व जम्मा नगरी भ्रष्टाचार गरेको अनुसन्धानबाट खुल्न आएकाले उनीहरुविरुद्ध मुद्दा दायर गरिएको हो । आयोगले कार्यालयका उपसचिव होमनाथ अधिकारीविरुद्ध रु १४ लाख ५ हजार र विष्णुप्रसाद पौडेलविरुद्ध रु ८ करोड ८२ लाख बिगो माग दाबी गर्दै मुद्दा दायर गरेको हो । त्यस्तै, कार्यालयकै लेखापाल सुरेश अधिकारी र मणिराज दाहाल तथा सहलेखापाल टंकबहादुर खड्कासँग जनही रु ८ करोड ९६ लाख बिगो माग दाबी गर्दै आयोगले मुद्दा दायर गरेको प्रवक्ता जीवराज कोइरालाले जानकारी दिए । आयोगका अनुसार उनीहरुले आर्थिक वर्ष २०६९/७० र आव २०७०/७१ मा भएको कारोबार अध्ययन गर्दा रु ८ करोड ८२ लाख कम राजश्व दाखिला गरेको आयोगले जनाएको छ । यसअघि पनि आयोगले सोही कार्यालयका आठ जनाविरुद्ध मुद्दा दायर गरेको थियो