चिकित्सा शिक्षामा बेथिती र भ्रष्टाचार बढेपछि सरकारले चिकित्सा कार्यक्रम सञ्चालन गर्ने सबै शैक्षिक संस्थाले एकै क्यालेन्डर सञ्चालन गर्नुपर्ने नियम बनाएको छ ।
हालसम्म चिकित्सा शिक्षाको प्रवेश परीक्षा, भर्ना, पठनपाठन, परीक्षा, नतिजा र प्रकाशन लगायतका कार्यहरु आफूअनुकुल गर्दै आएका सबै विश्वविद्यालय तथा प्रतिष्ठानले एकै क्यालेन्डरका आधारमा शैक्षिक कार्यक्रम सञ्चालन गर्नुपर्ने छ ।
प्रवेश तथा अन्तिम परीक्षामा अनियमितता, शुल्कलगायतका विषयमा विवाद आएपछि सबैका लागि एकीकृत क्यालेन्डर लागू गरिएको हो ।
