काठमाडौं, १९ असार । कोपा अमेरिका फुटबलको उपाधिका लागि ब्राजिल र पेरु भिड्ने भएका छन् ।
ब्राजिलले बुधबार अर्जेन्टिनालाई २–० ले पराजित गर्दै फाइनलमा स्थान बनाएको थियो । विहीबार भएको अन्तिम सेमिफाइनलमा डेफेन्डिङ च्याम्पियन चिलीलाई ३–० ले स्तब्ध बनाउँदै पेरुले फाइनलमा स्थान सुरक्षित गरेको हो ।
पेरु ४४ वर्ष पछि काेपा अमेरिकाकाे फाइनलमा पुगेकाे हाे । यसअघि २ पटक फाइनलमा पुग्दा पेरुले उपाधि पनि जितेकाे छ । पेरुले १९३९ र १९७५ मा फाइनल खेलेकाे थियाे ।
चिलीलाई पराजित गर्ने क्रममा पेरुले २ गोल पहिलो हाफमा गरेको थियो । १ गाेल भने दाेस्राे हाफमा सम्भव भएकाे थियाे । २१ औं मिनेटमा इडिसन मिचेल पिरिएल्टाले एन्ड्रे मार्टिन केरिलियोको पासमा गोल गर्दै अग्रता दिलाएका थिए ।
त्यसको १७ मिनेट पछि पेरुले गोल संख्या दोब्बर बनायो । ३८ औं मिनेटमा केरिलियोकै सहयोगमा भिक्टर फालेर्सले गोल गरेका थिए ।
पहिलो हाफमा २–० काृे अग्रता बनाएको पेरुले दोस्रो हाफमा पनि उत्कृष्ट प्रदर्शन गरेको थियो । २–० ले पछि परेको चिलीले गोल गर्ने थुप्रै प्रयास गरेपनि सफल हुन सकेन् । पहिलो हाफमा २ गोल गरेकाे पेरुले अन्तिम समयमा १ गाेल थपेकाे थियाे ।
९१ औं मिनेटमा पाउलाे गुरेराेले गाेल थप्दै ३-० काे जित दिलाए ।
