राष्ट्र हितमा समर्पित
शनिवार, मंसिर ११, २०७८

भारतकै पाउमा नाक रगड्दै कालापानीमा वीरताको हत्या गर्यौँ :फणीन्द्र नेपाल

आइतवार, २२ आषाढ २०७६ ८:५८

काठमाडौं । ग्रेटर नेपाल राष्ट्रवादी मोर्चाका अध्यक्ष एवम् ग्रेटर नेपालका अभियन्ता फणीन्द्र नेपालले नेपालीहरु वीर केवल बेलायत र भारतका लागि मात्र भएको तर आफ्नै सिमाना भारतले मिच्दा जहिल्यै निरीह र कायर हुनुपरेको बताएका छन् ।

उनले सामाजिक संजालमा लेखेका छन् , ` मात्र बेलायत र भारतका लागि वीर रहने हामी नेपालीले आखिर आफ्नो मुलकको रक्षाका लागि चाहिँ के गर्यौं त ?’ खास गरी नेपाली सेनामा राष्ट्रवाद नजागेकोप्रति रोष र चिन्ता व्यक्त गर्दै उनले भनेका छन् , ‘इजरायलले जलमार्ग रोक्दा जस्तालाई तस्तै व्यवहार गर्यो ।

भारतले नेपाललाई पटकपटक नाकाबन्दी लगायो । तर भारतकै पाउमा नाक रगडदै रह्रयौं । तर हाम्रो स्वाभिमान कहिल्यै जागेन ।’

‘नेपाली संसारभर वीर भनेर चिनिएता पनि वीर नेपाली सेनाकै अघिल्तिर हाम्रो लिम्पियाधुरा, कालापानी र लिपुलेक भारतले अर्धसैनिक बल राखेर कब्जा जमाएको छ । पहिले शारदा नहरमा पुलको बिचमा नेपाल र भारतका झन्डा फहराउँथे । अहिले शारदा नहरको पूर्वपट्टि झन्डै ३ किलोमिटरभित्रसम्म नेपालीभूमि भारतले कब्जामा लिइसक्यो । कहाँ छ नेपालीको वीरता ? कहाँ छन् आफ्नो मुलुकका लागि मर्न र मार्न नडराउने नेपाली ?’, उनले गम्भीर प्रश्न उठाएका छन् ।

अभियन्ता नेपालले नेपाल भन्दा सानो एउटा मुलुक इजरायलको साहसिक कथा जोड्दै भनेका छन् , ‘सन् १९५० देखि जब इजिप्टले तिरान जलमार्ग रोकेर इजरायललाई अप्ठ्यारोमा पार्यो । तब इजरायलले सन् १९६७ को जून ५ मा आफ्ना तीन छिमेकी मुलुकहरू इजिप्ट, सिरिया र जोर्डनमाथि एकसाथ आक्रमण गर्यो । इजरायलको हमलापछि इजिप्ट, सिरिया र जोर्डनको पक्षमा इराक र लेबनानले पनि युद्धमा सहभागी भए ।

पाँच राष्ट्र एकातिर, अर्कातिर इजरायल एक्लै हुँदा पनि इजरायल नै ती सबै देशमाथि हाबी भयो । ६ दिनसम्म लगातार भएको युद्धमा इजरायलले छिमेकी देशका भू-भाग प्यालेस्टाइनको गाजापट्टी पश्चिमी किनार, इजिप्टको साइनाई प्रायद्वीप र सिरियाको गोलन हाइट्समा कब्जा जमायो । उक्त युद्ध संयुक्त राष्ट्र संघको अग्रसरतामा टुङ्गिँदा इजरायलको नक्सा दोब्बर ठूलो भैसकेको थियोे ।’

थप जानकारी