राष्ट्र हितमा समर्पित
शुक्रवार, जेठ २३, २०७७

सरकारले निशान छापमा लिम्पियाधुरा-लिपुलेक क्षेत्र समावेश गर्न संविधान संशोधन गर्दै

शुक्रवार, ९ जेठ २०७७ १३:५७

काठमाडौं । सरकारले निशान छापमा लिम्पियाधुरा, कालापानी र लिपुलेक समावेश गर्न संविधान संशोधनको प्रस्ताव प्रतिनिधि सभामा पेस गर्ने निर्णय गरेको छ ।

शुक्रबार प्रधानमन्त्री निवास बालुवाटारमा बसेको मन्त्रिपरिषद् बैठकले नेपालको नयाँ नक्सा कार्यान्वयन गर्न संविधानको अनुसूचीमा रहेको निशान छाप परिवर्तन गर्न संविधान संशोधन प्रस्ताव लैजाने निर्णय गरेको हो ।

अहिले उक्त निशान छापमा लिम्पियाधुरा, कालापानी र लिपुलेक क्षेत्र समावेश छैन । सरकारले बुधबार भारतले अतिक्रमण गरेको उक्त क्षेत्र समेटर बुधबार नयाँ नक्सा जारी गरेको छ।

संविधानको निशान छापमै नक्सा परिवर्तन गरिएपछि नेपालभरिका सरकारी कार्यालयमा त्यही नक्साको औपचारिक प्रयोग हुन्छ।

संसदको बैठक आगामी जेठ १३ गतेका लागि बोलाइएको छ।

थप जानकारी