राष्ट्र हितमा समर्पित
सोमवार, कार्तिक १०, २०७७

सासंद यादवद्वारा एन्फा अध्यक्ष शेर्पालाई कारबाही गर्न माग (भिडियो सहित)

शुक्रवार, २३ जेठ २०७७ १५:०८

काठमाडौं । प्रतिनिधि सभामा अखिल नेपाल फुटबल संघ (एन्फा)का अध्यक्ष कर्मा छिरिङ  शेर्पालाई कारवाही गर्नु पर्ने माग पुनः उठेको छ । शुक्रबारको बैठकमा समाजवादी पार्टीका सांसद प्रदिप यादवले शेर्पाको अभिव्यक्ति आपक्तिजनक भएको उल्लेख गर्दै अबिलम्ब निलम्बन गरेर कारवाही गर्नुपर्ने बताए ।

यसअघि अघिल्लो हप्ता सोही पार्टीका अर्का सासंद विमलप्रसाद श्रीवास्तवले पनि अध्यक्ष शेर्पामाथि कारबाहीको माग गरेका थिए ।
सांसद यादवले शुक्रबार संसदको शून्य समयमा भने,‘शेर्पाले मधेशीको अपमान गरेका छन, सेनालाई समेत मुछेका छन, उनले तराइ मधेश पहाड टुक्राउने कुरा गरेका छन, उनलाई अबिलम्ब निलम्बन गरि कारवाहीको दायरामा ल्याउनुपर्छ ।’

अध्यक्ष शेर्पाले गत जेठ ४ गते अमेरिकाबाट सञ्चालिन अनलाइन पोर्टल दुर्बिन नेपालको फेसबुक लाइभमा दिएको अभिव्यक्तिप्रति आपत्ति जनाउँदै सांसद यादवले उनीमाथि कारवाहीको माग गरेका हुन । उनले एन्फाको अध्यक्षजस्तो मर्यादित ओहदामा बसेका व्यक्तिले मधेशीको राष्ट्रियतामाथि प्रश्न उठाउँदा खेलकुदमन्त्रीकै संरक्षण त छैन भन्ने आंशका पनि गरे । उनले भने, ‘एन्फालाई सारा नेपालीले माया गर्छ तर त्यसका अध्यक्षले मधेशीलाई हेप्ने ? होच्याउने ? शेर्पाले कस्तो तागतमा यस्तो अभिव्यक्ति दिए ? पक्कै पनि खेलकुदमन्त्रीको तागतमा यस्तो अभिव्यक्ति दिनुभएको होला ।’

सेनालाई पनि यो अभिव्यक्तिमा अध्यक्ष शेर्पाले मुछेको भन्दै कहिले पनि विवादमा नआएको नेपाली सेनालाई लक्षित गरी यस्तो अभिव्यक्ति दिएको सांसद यादवको भनाइ थियो ।
अध्यक्ष शेर्पाले भने आफूले राष्ट्रियताको सवालमा कसैलाई भेदभाव नगरेको बताउँदै माफी समेत मागी सकेका छन ।

भिडियो

थप जानकारी