राष्ट्र हितमा समर्पित
सोमवार, मंसिर २०, २०७८

विदेशी सेना बाहिरिए लगत्तै सरकार गठन प्रक्रिया सुरु हुने

मङ्गलवार, १ भाद्र २०७८ १८:०५

काठमाडौं, भदौ १ गते । तालिबानले अफगानिस्तानमा ‘आममाफी’को घोषणा गरेको छ । काबुल नियन्त्रणमा लिएपछि अत्यन्तै तनावग्रस्त बनेको राजधानी शहरलाई शान्त राख्न तालिबानले आफ्नो पहिलो घोषणामा आममाफी दिने जनाएको छ ।

समाचार संस्था अलजजिराका अनुसार तालिबानले नयाँ गठन हुने सरकारमा महिलालाई सहभागी हुन जोड दिएको छ । तालिबानको संस्कृति ‘कमीशन’का सदस्य इनामुल्लाह समनगानीले इस्लामिक एमिरेट्सले महिलालाई पीडित बनाउन नचाहेको बताउनुहुँदै सरकारमा सहभागी हुन आग्रह गर्नुभएको छ ।

तालिबानले अफगानिस्तान नियन्त्रणमा लिए लगत्तै इस्लामिक एमिरेट्स घोषणा गर्ने तयारी समेत गरेको छ । उहाँले शरिया नियमकै आधारमा सरकारमा महिला सहभागी हुनुपर्ने बताउनुभयो । तालिबानले काबुल नियन्त्रणमा लिएपछि अफगानिस्तान छोड्न हजारौं सर्वसाधारण काबुल विमानस्थलमा पुगेका थिए । स्थिति नियन्त्रण बाहिर जाँदा र भागदौड हुँदा कम्तीमा सात जनाको मृत्यु भएको छ ।

यसैबीच, तालिबानले अफगानिस्तानबाट विदेशी सेना बाहिरिए लगत्तै नयाँ सरकारको गठन प्रक्रिया सुरु हुने बताएको छ । तालिबानले नयाँ सरकार गठनका लागि स्वरुपमाथि कसरत भइरहेको जनाएको छ ।

थप जानकारी