राष्ट्र हितमा समर्पित
शनिवार, मंसिर ११, २०७८

राजासँग मिलेर अघि बढ्नु पर्ने बिजुक्छे र बैद्यको धारणा

शुक्रवार, २२ आश्विन २०७८ ८:४३

काठमाडौँ । नेपाल मजदुर किसान पार्टीका अध्यक्ष नारायणमान बिजुक्छे र नेकपा माओवादी क्रान्तिकारीका महासचिव मोहन वैद्यले देशको पछिल्लो परिस्थिति अनुसार अब राजासँग मिलेरै अघि बढ्नु पर्ने बताएका छन् ।

टेलिभिजनमा अन्तर्वार्ता दिने क्रममा देशको बिग्रँदो अवस्थालाई सुधार गर्न राजासँग मिलेर अघि बढ्नुपर्ने उनीहरुले बताएका छन्। एक टेलिभिजनलाई अन्तर्वार्ता दिँदै बिजुक्छेले देशभक्त शक्ति एक ठाउँमा उभिनु पर्ने बेला आएको र त्यसका लागि राजतन्त्रसँग पनि सहकार्य गर्न सकिने बताएका हुन्।

कम्बोडियामा साम्राज्यवादीहरुसँग मिलेर लड्दा नरोद्दम सिंहानुकलाई पुनः राजामा पुनःस्थापना गरे जस्तै नेपालमा त्यस्तै कोर्षमा जान सकिने उनको प्रस्ताव छ। नेपालमा राजतन्त्र पुनःस्थापना गर्न सकिन्छ भन्ने प्रश्नमा बिजुक्छेले जवाफ दिएका छन्, ‘संसारमा कहीँ पनि कम्युनिष्ट र राजाबीच भिडन्त भएको छैन। रुस, चीनमा राजा र कम्युनष्टिबीच भिडन्त भएको होइन। त्यहाँ पुँजीपति वर्ग र कम्युष्टिबीच मात्रै संघर्ष भएको हो। नेपालको सन्दर्भमा पनि भारतीय बिस्तारवाद र अमेरिकी साम्राराज्यवादविरुद्ध उभिन तयार भयो भने राजतन्त्रबारे छलफल गर्ने ढोका खुल्छ।’

केही दिनअघि योहो टेलिभिजनमा अन्तर्वार्ता दिँदै नेकपा माओवादी क्रान्तिकारीका महासचिव मोहन वैद्यले पनि देशको बद्लिँदो अवस्थालाई सुधार गर्न राजतन्त्रसँग मिलेर अघि बढ्न सकिने बताएका थिए। वैद्यको प्रस्तावसँग मिल्ने गरी बिजुक्छेले पनि देशको हितका लागि राजासँग मिलेर अघि बढ्ने बेला आएको स्वीकार गरेका हुन्। महासचिव वैद्यले पनि राष्ट्रिय स्वाधिनता जोगाउन र एमसिसीका विरुद्ध राजासँग एकैठाउँमा उभिन सकिने उल्लेख गरे।

सहकार्यका लागि कम्युनिष्ट र राजा दुवै पुरानो सोचाइबाट बाहिर आउनुपर्ने उनको भनाइ छ। ज्ञानेन्द्रले नरोद्दम सिंहानुकको जस्तोे भूमिका निभाए भने उनलाई ग्रहण गर्न तयार हो? भन्ने प्रश्नमा वैद्यले भनेका छन्, ‘त्यो भूमिका निभाउँदा उनले फेरि म राजतन्त्र ल्याउँछु भन्न थाले भने हुँदैन। म राजतन्त्र छोड्छु नयाँ ढंगले जान्छु भन्ने हो भने त हामी त्यहीँ पूर्वाग्रहमा किन बस्ने ?’

वैद्यले कम्युनिष्टले परम्परागत धारणा छाड्ने र राजाले पनि पुरानो मान्तयालाई छाड्ने हो भने सँगै अघि बढ्न सकिने प्रस्ताव वैद्यले गरे। उनले भने, ‘नयाँ ढंगले भन्नाले देश भक्त र कम्युनिष्ट शक्तिहरु मिलेर जाउँ। छलफल गरौँ। तर श्रीपेच फर्काउने भन्ने कुरा चाहिँ हुँदैन। इतिहास पुरानोतिर फर्किँदैन।’

थप जानकारी