आज दशैँको तेस्रो दिन चन्द्रघण्टा देवीको आराधना

ताजा समाचार

गृहपृष्ठ
ताजा समाचार
आज दशैँको तेस्रो दिन चन्द्रघण्टा देवीको आराधना

आज दशैँको तेस्रो दिन चन्द्रघण्टा देवीको आराधना

शनिबार, असोज २३, २०७८ राष्ट्रिय समाचार

katyayani-devi-cover_1585484868

काठमाडौं । वडा दशैँको तेस्रो दिन आज दशैँ घर अथवा पूजा कोठामा दुर्गा स्थापना गरिएको स्थलमा नव दुर्गामध्येकी तेस्रो देवी चन्द्रघण्टाको पूजा आरधना गरी मनाइयो । नव दुर्गामध्ये पहिलो दिन शैलपुत्रीको पूजा आराधना गरिन्छ भने दोस्रो दिन ब्रह्मचारिणीको स्तूति गर्ने शास्त्रीय विधि रहेको छ । तेस्रो दिन चन्द्रघण्टा देवीको आराधना गर्ने परम्परा रहेको धर्मशास्त्रविद् एवं नेपाल पञ्चाङ्ग निर्णायक समितिले बताएको छ । पिण्डजप्रवरारुढा चण्डकोपास्त्रकैर्युता । प्रसादां तनुते मह्यं चन्द्रघण्टेति विश्रुता ।। आश्विन शुक्ल प्रतिपदादेखि नवमीसम्म क्रमशः पहिलो दिन शैलपुत्री, दोस्रो दिन ब्रह्मचारिणी, तेस्रो दिन चन्द्रघण्टा, चौथो दिन कुष्माण्डा, पाँचौँ दिन स्कन्दमाता, छैटौँ दिन कात्यायनी, सातौँ दिन कालरात्रि, आठौँ दिन महागौरी र नवौँ दिन सिद्धिदात्रीको पूजा आराधना गरिन्छ । नौवटा दुर्गाका रुपलाई नवदुर्गा पनि भन्ने गरिन्छ । दुर्गा पक्षमा महाकाली, महालक्ष्मी, महासरस्वतीसहित नवदुर्गाको पूजाआराधना गरेमा वर्षभरका लागि आध्यात्मिक शक्ति प्राप्त हुने, मनोकामना पूरा हुने धार्मिक विश्वास छ । आश्विन शुक्ल पक्षलाई शक्ति आरधनाको विशेष पर्वका रुपमा मनाउने गरिन्छ । उपत्यकालगायत देशभरका शक्तिपीठमा भक्तजनको भीड लाग्नेक्रम पनि बढेको छ । आज शनिबार भएकाले गुह्येश्वरी, नक्साल भगवती, शोभा भगवती, भद्रकाली, कालिकास्थान, बज्रयोगिनीलगायत स्थानमा भक्तजनको भीड लागेको छ ।

प्रकाशित मिति: शनिबार, असोज २३, २०७८ ०८:१६

प्रतिक्रिया दिनुहोस्