देशभर आज २३२ जना नयाँ सङ्क्रमित थप, तीनको मृत्यु

ताजा समाचार

गृहपृष्ठ
ताजा समाचार
देशभर आज २३२ जना नयाँ सङ्क्रमित थप, तीनको मृत्यु

देशभर आज २३२ जना नयाँ सङ्क्रमित थप, तीनको मृत्यु

शुक्रबार, मंसिर २४, २०७८ राष्ट्रिय समाचार

IMG_20210501_090704

काठमाडौं, मङ्सिर २४ गते । पछिल्लो २४ घण्टामा २३२ जना कोरोना भाइरसका सङ्क्रमित थपिएका छन् । छ हजार ४७२ जनामा आरटीपीसीआर परीक्षण गरिएकोमा २३२ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । त्यस्तै, चार हजार १५ जनामा एन्टीजेन परीक्षण गरिएकोमा २७ जनामा कोरोना सङ्क्रमण देखिएको छ । स्वास्थ्य मन्त्रालयले नेपालमा कोरोना सङ्क्रमणमुक्त हुने दर ९७.९ प्रतिशत रहेको जनाएको छ । पछिल्लो २४ घण्टामा ३३७ जना कोरोनामुक्त भएको स्वास्थ्य मन्त्रालयले जनाएको छ । यसैगरी सोही अवधिमा तीन जना सङ्क्रमितको मृत्यु भएको स्वास्थ्य मन्त्रालयले जनाएको छ । योसँगै नेपालमा कोरोनाबाट मृत्यु हुनेको सङ्ख्या ११ हजार ५५२ पुगेको छ । यसैगरी देशभर हालसम्म पाँ हजार ९९७ जना सक्रिय सङ्क्रमित रहेको स्वास्थ्य मन्त्रालयले जनाएको छ । त्यस्तै पछिल्लो २४ घण्टामा तीन लाख २९ हजार ३२१ जनाले कोरोनाविरुद्धको खोप लगाएका छन् ।

प्रकाशित मिति: शुक्रबार, मंसिर २४, २०७८ १७:४२

प्रतिक्रिया दिनुहोस्