राष्ट्र हितमा समर्पित
मङ्गलवार, साउन ८, २०८१

एमाले अध्यक्ष ओली र राप्रपा महामन्त्री राणाबीच भेट, तालमेलबारे प्रारम्भिक छलफल

शुक्रवार, १८ चैत्र २०७८ १०:१४

काठमाडौं । नेकपा एमालेका अध्यक्ष केपी शर्मा ओली र राप्रपाका महामन्त्री धवल शम्मशेर राणाबीच भेटवार्ता भएको छ ।नेपालगञ्जको स्नेहा होटलमा बिहीबार राति दुई नेताबीच समसामयिक राजनीतिक घटनाक्रमबारे कुराकानी भएको हो ।

स्थानीय तहको निर्वाचनको सरगर्मी बढ्दै जाँदा एमाले अध्यक्ष ओली र राप्रपा महामन्त्री राणाबीचको भेट अर्थपूर्ण छ ।महामन्त्री डा.राणा नेपालगञ्ज उपमहानगरपालिकाको मेयर समेत हुन् ।

अध्यक्ष ओली र महामन्त्री राणाबीच समसामयिक राजनीएतिक परिस्थिति र वैशाखमा हुने स्थानीय तहको निर्वाचन लगायतका विषयमा छलफल भएको राप्रपा प्रवक्ता एवं प्रचार विभाग प्रमुख मोहन श्रेष्ठले बताएका छन् ।

‘स्थानीय चुनावमा तालमेल गरेर जाने विषयमा पनि प्रारम्भिक छलफल भएको छ,’ प्रवक्ता श्रेष्ठले भने, ‘एमाले र राप्रपाबीच भेटघाट, छलफल र संवाद गर्दै जाने भन्ने कुरा भएको छ ।’

आक्रामक ढंगबाट निर्वाचन केन्द्रीत सभाहरु गरिरहेका एमाले र राप्रपा बीचको भेटघाटले दुवै पार्टीलाई आगामी निर्वाचनको रणनीति तय गर्न उपयोगी हुनेछ ।

भेटकै क्रममा राणाले ठट्यौली पारामा भने’ राप्रपाको सभाहरु टेलिभिजन र सामाजिक सञ्जालमा हेरिरहनु भएको होला, लोभिनु हुन्न ? प्रत्युत्तरमा ओलीले भने’राप्रपाको निर्वाचन केन्द्रीत सभाहरु रोचक छन् ।’

थप जानकारी