राष्ट्र हितमा समर्पित
मङ्गलवार, साउन ८, २०८१

पेट्रोलियम पदार्थको मुल्य वृद्धि गर्नु अव्यवहारिक र जनतामारा कदम: राप्रपा निकट युवा संगठन

बिहिवार, २४ चैत्र २०७८ १३:४८

काठमाडौं । राप्रपा निकट राष्ट्रिय प्रजातान्त्रिक युवाले नेपाल आयल निगमद्वारा गरिएको पेट्रोल, डिजेल, मट्टितेल र ग्यासको मुल्य वृद्धि गर्नु अत्यन्त अव्यवहारिक र जनतामारा कदम भएको बताएको छ । प्रेस विज्ञप्ति नै जारी गरि संगठनले मुल्य वृद्धिले जनताको दैनिक जिवनमा नकारात्मक प्रभाव पार्ने भएको भन्दै गम्भीर ध्यानाकर्षण भएको बताएको छ ।

कोरोना महामारीका कारण पुरै देश आक्रान्त भएको र जनताको आर्थिक अवस्था अत्यन्त कमजोर भएको बेलामा मूल्य वृद्धि हुने गरी गरिएको यस्तो कार्य खेद पुर्ण र निन्दनीय भएको युवा संगठनले बतायो ।

त्यसैगरी संगठनले जनताको दैनिक जिवनमा नै ठुलो असर पर्ने कार्य गरेको कारणबाट सरकारको नालायकिपन उदाङ्गो भएको बताएको छ । साथै संगठनले पेट्रोलियम पदार्थको मूल्य–वृद्धिले समग्र अर्थ व्यवस्थामै महँगी बढ्ने भएको हुँदा समय र अवस्थासमेतलाई मध्यनजर गर्दै यस्तो कार्य अभिलम्ब फिर्ता लिन सरकार समक्ष जोडदार माग गरेको छ ।

नेपाल आयल निगमले पेट्रोल, डिजेल, मट्टितेलमा प्रतिलिटर ५-५ रूपैयाँ र ग्यासको मूल्य प्रतिसिलिण्डर २५ रुपैयाँ बढाएको थियो ।

प्रेस विज्ञप्ति

थप जानकारी