राष्ट्र हितमा समर्पित
मङ्गलवार, साउन ८, २०८१

राप्रपा अध्यक्ष लिङ्देन साउदी अरब प्रस्थान

मङ्गलवार, ५ भाद्र २०८० १९:५४

काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देन साउदी अरब प्रस्थान गर्नुभएको छ ।

पार्टी सम्बद्ध प्रवासी नेपाली एकता समाज, पानस साउदी अरब र पानस युएईको निमन्त्रणामा त्यहाँ आयोजित विविध कार्यक्रममा सहभागी हुन मंगलबार अपराह्न उहाँ त्यसतर्फ प्रस्थान गर्नुभएको पार्टी प्रवक्ता मोहन श्रेष्ठले जानकारी दिनुभएको छ । भ्रमण दलमा पार्टीका केन्द्रीय सदस्य एवं प्रवास विभाग प्रमुख आनन्द अधिकारी पनि सहभागी हुनुहुन्छ ।

अध्यक्ष लिङ्देन भदौ ९ गते साउदी अरबबाट दुबईतर्फ प्रस्थान गर्नुहुनेछ। अध्यक्ष लिङ्देन दुवै देशमा रहँदा विभिन्न नेपाली संघसंस्थासंग भेटघाट, अन्तरक्रिया कार्यक्रममा सहभागी हुने, राजदुतावास र महावाणिज्यदूत कार्यालयका अधिकारीसंग छलफल गर्ने, त्यहाँ रहेका नेपाली श्रमिकको अवस्थाबारे जानकारी लिने र स्थलगत अवलोकन गर्ने एवं प्रवासी नेपाली समाजद्वारा आयोजना हुने विविध कार्यक्रममा सहभागी हुनुहुनेछ। उहाँहरुको भदौ १२ गते स्वदेश फर्कने कार्यक्रम रहेको छ।

थप जानकारी