राष्ट्र हितमा समर्पित
मङ्गलवार, साउन ८, २०८१

मलाई गोली हान्न सक्छन्: अध्यक्ष केपी ओली

बिहिवार, ७ भाद्र २०८० १७:१०

काठमाडौँ । नेकपा (एमाले) का अध्यक्ष केपी शर्मा ओलीले आफूलाई कसैले गोली हान्न सक्ने बताए। तर यसमा आफूलाई कुनै आपत्ति नभएको उहाँले बताउनुभयो ।

बिहीबार एमालेनिकट भूपू सैनिक–प्रहरी संगठनको कार्यक्रममा उहाँले भन्नुभयो, “मलाई पहिले पञ्चायतकालमा हुँदै नभएका कुरामा दस वर्ष कैद गर्‍यो। दस वर्ष पूरा भएपछि ४ वर्ष यसै थुन्यो। म १४ वर्ष जेल बसेँ, त्यस्तै गर्ने हो भने बेग्लै कुरा, झूटैमा जाने हो भने बेग्लै कुरा, तर कानुनले केपी ओलीलाई हत्कडी लगाउने कुनै ठाउँ छैन। केपी ओलीले राख्दै राख्दैन। किन केपी ओली ढुक्कले बोल्छ रु यसकारण कि, मलाई थाहा छ, विरोधीहरू छन्, तिनले पाएसम्म न्यायका विरूद्ध, सत्यकाविरूद्ध। जो सत्यसँग द्रोह गर्ने मानिस हुन्छ, तिनले सत्यका विरूद्ध काम गर्छन्। त्यस्ता तत्त्व छन्। तिनीहरू आइलाग्न सक्छन्। म कानुनीरूपमा पनि सतर्क छु तिनीहरूसँग। एक शब्द कतै नचिप्लियोस् भनेर ।”

आफूलाई फसाउन विरोधीहरूले माकुराको जालो बुनिरहेको उल्लेख गर्दै उहाँले ‘माकुराको जालोमा भैंसी’ नपर्ने बताउनुभयो ।

“म प्रधानमन्त्री, पराराष्ट्रमन्त्री, गृहमन्त्री हुँदा कतै नचिप्लियोस् भनेर कानुन पल्टाइपल्टाइ फैसला–निर्णय गरेको छु। त्यसकारण यिनीहरूका इच्छाले केही हुँदैन”, उहाँले भन्नुभयो, “माकुराको जालोमा भैँसी पर्दैन यिनीहरूले बुझ्नुपर्छ। यिनीहरू माकुराको जालो बनाएर हिँड्छन्, केपी ओलीलाई पार्न। केपी ओलीको न खुट्टाले थाहा पाउँछ, न सिङले थाहा पाउँछ न त जिउले नै थाहा पाउँछ ।”

सामाजिक सञ्जाल अमर्यादित बन्दै गएको भन्दै उहाँले भन्नुभयो, “सामाजिक सञ्जाल खोलर खोलेर हेर्नुस् त, के बोलेको हुन्छ त्यहाँ ? केहो त्यो ? के पढाइँदै छ हाम्रा केटाकेटीहरूलाईरु बुद्धिजीवीमात्र होइन, बुढा वकिलहरू, निराधार। फेसबुकको हिरो हुनका लागि बोल्छन्। देखिराखेका छौं हामीले कोही–कोही मानिसहरू। बुढा विद्वानहरू, अस्ति एउटा प्रहरीको पूर्वअफिसर बोल्दै गरेको देखेको थिएँ, मेरै नाम लिएर ।”

तस्करीलाई छोप्न, एमालेले गर्‍यो भनेर हल्ला चलाइएको उल्लेख गर्दै अध्यक्ष ओलीले भन्नुभयो, यो खालको एउटा फोहोरी हावा बगेको छ, एउटाले तुरून्तै छाप्छ, केपी ओलीलाई हत्कडी लाग्यो, जेल गयो ।”

थप जानकारी