राष्ट्र हितमा समर्पित
मङ्गलवार, आषाढ ५, २०८१

जमानतमा रिहा भए ट्रम्प, जेलमा २० मिनेटमात्र बिताए

शुक्रवार, ८ भाद्र २०८० १०:५१

पूर्वअमेरिकी राष्ट्रपति र रिपब्लिकन पार्टीका नेता डोनाल्ड ट्रम्पले जर्जियाको फुल्टन काउन्टी जेलमा आत्मसमर्पण गरे र त्यहाँ २० मिनेट बिताए। समाचार एजेन्सी रोयटर्सका अनुसार ट्रम्प जमानतमा रिहा भएका छन् । ट्रम्पले जमानतको लागि दुई लाख अमेरिकी डलर तिरेका थिए।

एटलान्टाको हार्ट्सफिल्ड-ज्याक्सन एयरपोर्टमा आफ्नो निजी विमानमा चढ्नुअघि उनले यो विषय राजनीतिक रूपमा प्रेरित भएको दोहोर्‍याए। उनले भने, ‘यहाँ जे भएको छ त्यो न्यायको गाली हो, मैले कुनै गल्ती गरेको छैन र सबैलाई थाहा छ।’

२०२० को चुनावमा पराजयलाई उल्ट्याउन खोजेको भन्दै उनीविरुद्ध यो मुद्दा चलिरहेको छ। ट्रम्पको मग सट सार्वजनिक भएको छ। अमेरिकाको इतिहासमा पूर्व राष्ट्रपतिको मुगसट सार्वजनिक भएको यो पहिलो पटक हो।

उनले सन् २००० मा चुनावको पराजयको नतिजा उल्टाउन खोजेको आरोपमा १३ वटा आपराधिक आरोपहरूको सामना गरिरहेका छन्। ९८ पृष्ठको अभियोगमा ट्रम्पले चुनावी नतिजालाई ‘आपराधिक रूपमा’ परिवर्तन गर्न ‘गैरकानुनी षड्यन्त्र’ गरेको उल्लेख छ।

यसबाहेक अन्य आरोपमा चुनावी धाँधलीको झुटो दाबी गर्ने पनि समावेश छ। ट्रम्पले आफूमाथि लागेका सबै आरोप अस्वीकार गर्दै आएका छन्। पछिल्लो केही महिनामा ट्रम्पविरुद्धको यो चौथो आपराधिक मुद्दा हो।

थप जानकारी