अबको साता तपाईको राशिफल आज कार्तिक ९ गते शुक्रबारदेखि आगामी कार्तिक १६ गते शुक्रबारसम्मको ।
१. मेष राशि (चु चे चो ला लि लु ले लो अ)
खर्च को योग छ । विगतदेखि नबनेका अधुरै कामहरु यो साता बन्ने योग छ । बिज्ञान सम्बन्धि सोध अनुसन्धान गर्ने विद्यार्थी जनको निमित्त यो साता फलदायी रहेको छ । अर्थात अनुसंधान तथा प्रयोगात्मक क्षेत्रबाट सफलता प्राप्त गर्नु हुनेछ । राजनितीज्ञ हुनुहुन्छ भने अलि साबधानी अपनाउनु नै श्रेय हुन जानेछ । यहाँको कुटनीतिले काम गर्ने छैन । पुरातन वैदिक तथा शास्त्रीय शाहित्य र संगित खोज गर्न मन लाग्ने छ । नया कर्म गर्दा मान्यजनहरुको सरसल्लाहमा गरेको कामले उन्नति पाउने भएकोले सरसल्लाह लिनु नै श्रेय कर हुन आउँछ । मुटु तथा रगतमा समस्या देखा पर्ने छ। खानपानको तजबिज नमिल्दा कब्जियत हुन सक्नेछ। मंगलबार शुभ समाचार सुन्न पाउनुका साथै नवीन कार्यको थालनी हुने छ । (ॐ अं अंङ्गकाराय नम: ११ हजार जप तथा मंगलबार भगवान गणेशको पुजा आरधना गर्नु)
२. बृष राशि (इ उ ए ओ वा वि वु वे वो)
राशि स्वामी शुक्र , शुक्रबार शुभ, पश्चिम् दिशा शुभ। सेतो घ्यु रङ्ग शुभ । कृषकको लागि यो साता अत्यन्त शुभ रहेको छ। कृषि बाली धान, हरियो साग सब्जीबाट मनग्य आम्दानी हुने योग छ। साथै चौपायबाट पनि लाभ लिन सक्नु हुनेछ। शिक्षा शिक्षण पेशामा लाग्नु भएका शिक्षक वर्ग र विधार्थीको निमित्त अशुभ योग छ । अपजस खानु पर्नेछ । मनमुटाव अन्त्य भै परिवारमा खुसीयली छाउने छ । सामाजिक काममा सफलता पाइनेछ । माया गर्ने र अपनत्व भाव दर्शाउने जनको भेटघाटले मन आनन्दीत हुने छ। सामाजिक असमनजसताको कारण धर्म नितिमा अपजस सहनु पर्नेछ। व्यापारमा हानी हुने योग प्रबल छ। शुक्रवार कृषि सम्बन्धि मुनाफाले सबै काम फत्ते हुनेछ। पिसाब तथा गलामा समस्या आई लाग्ने छ। (ॐ शुं शुक्राय नम: ११ हजार जप तथा शुक्रबार इन्द्रायणि पुजन गर्नु होला)
३. मिथुन राशि (क कि कु घ ङ छ के को ह)
राशि स्वामी बुध , बुधबार शुभ, हरियो रङ्ग शुभ, उत्तर इशान दिशा शुभ। सामाजिक क्षेत्रमा सहभागी हुन पाएकोले यहाँहरुको मन अत्यन्त हर्षित हुनेछ । शरद कालिन वातावरणले र साथीहरूको सहयोगले प्रेमी-प्रेमिका बिच प्रगाढ सम्बन्ध हुनेछ र यहाँको सम्बन्धलाई परिवारले पनि स्विकार्नु हुनेछ । मान सम्मान र उपहार पाइने योग प्रबल छ। आम्दानीका श्रोतहरु देखा पर्ने छ । शिक्षा शिक्षणमा पगती हुनेछ साथै विद्वान बर्गको संगत गर्न पाइनेछ । राजनिती क्षेत्रमा चतुर्याइँ पुराउनु पर्नेछ। यहाँहरुले सगोत्रीको सहयोग प्रसस्त प्राप्त गर्नु हुने छ। बुधबारदेखि नबिन काम बन्ने छ । (ॐ बुं बुधाय नम: ८ हजार जप तथा बामन भगवानको पुजन गर्नु होला)
४. कर्कट राशि (हि हु हे हो डा डि डु डे डो)
राशि स्वामी चन्द्रमा सोमबार शुभ बुधबार अशुभ । सेतो रङ्ग शुभ, पश्चिम् दिशा शुभ। वादविवादको कारणले परिवार बिखण्डनको योग छ । अलि होशियार पुर्बक कुरा गर्नु पर्नेछ। होसियार भईएन भने असमजदारी हुन सक्छ, पछुतो मान्नु पर्नेछ। पुर्ख्यौली सम्पत्तिको बिवाद भए पनि आफन्तको सहयोगले महत्वपुर्न कागज हात लाग्ने छ । आकस्मिक धन लाभको योग छ । फजुल खर्चमा मन जानेछ । बिलासिताका सर सामान जोड जाम गर्ने योग छ। शरीरमा चोटपटक लाग्ने छ। आय आर्जनमा सामन्यता हुनेछ । बिलासिताले गर्दा शिक्षामा मन जाने छैन । गृहस्थको लागि यो साता उत्तम छ भने विद्यार्थी को लागि सामान्य रहने छ यो साता । मुटु सम्बन्धी हल्का समस्या आउनेछ। (ॐ चन्द्रमसे (सोमाय) नम: ११ हजार जप तथा देवीको पुजन गर्नु होला )
५. सिंह राशि (मा मि मु मे मो टा टि टु टे)
राशि स्वामी सुर्य , रविबार शुभ , पुर्ब अग्नि कोण शुभ । रातो रङ्ग शुभ। यदि बैदेशिक रोजगारिमा जाँदै हुनुहुन्छ भने तपाईं लाई यो समय ठिक नहुने छ। जानू ठुलो कुरा होइन तर प्रगति सक्नु हुने छैन। मनमा अनेक खालका चन्चल चपलता आउनेछ । मनोरञ्जन तर्फ मन गई बिनोदिय बन्न मन लाग्ने छ। स्वास्थ क्षेत्रमा अलि ध्यान दिनु पर्ने छ । स्वास्थ सम्बन्धी खर्च बढनुका साथै मन खिन्न हुने पनि छ तर यहाँहरुलाई आफन्तको सहयोग भने मिल्ने छ। अचानक मित्र संग भेट हुनेछ र मन प्रफुल्ल हुनेछ। तपाईंको शरीरमा तागतको कमि हुनेछ। बिलासिताका सामानको आकांक्षा हुदा मित्र जन र आफन्तले पुराई दिनेछ्न । साताको अन्तमा रोजगारीको नयाँ अबसर पाइनेछ । आम्दानीमा सुधारको योग छ। वैदेशिक क्षेत्र शुभ छैन। (ॐ घृणि: सुर्याय नम: ७ हजार जप तथा भगवान शिवको पुजा गर्नु होला)
६. कन्या (टो पा पि पु ष ण ठ पे पो)
राशी स्वामि बुध , बुधबार शुभ , सोमबार अशुभ , साताको सुरुमा प्रेम अंकुरण हुने योग छ प्रेमी सहयोगले मन खुबै आनन्दीत हुने छ। मन प्रसन्न भएको कारणले सामाजिक क्षेत्रहरूमा खर्च गर्न मन लाग्ने छ। उत्साह उमङ्ग बढ्ने छ । शिक्षा शिक्षणमा प्रगती हुनेछ र शिक्षित बर्गको स्नेह प्राप्त हुने योग छ। यदि प्रहरी जन हुनु हुन्छ भने अनुसन्धान मा याहाहरु लाई सफलता मिल्ने छ। यहाँको हातमा नसोचेको गुप्त धन बुधबार हात लाग्ने छ । नम्र भै चतुर्याइँ देखाउना ले शुभ हुने छ। (ॐ बुं बुधाय नम: ८ हजार जप तथा निलकण्ठ भगवानको पुजा गर्नु होला)
७.तुला राशि (रा रि रु रे रो ता ती तु ते)
यहाँको यो साता कला शाहित्य क्षेत्रमा मा उन्नतिको योग छ । कला शहित्यमा नाम कमाएका व्यक्तिको संगतले मन रमाउनेछ। नोकरी अर्थात जागिरमा यहाँको कामको कदर भै पदोन्नति हुने योग छ । यहाँको उन्नति देखेर सम कक्षि सलबलाउन थाल्ने छन । ईष्र्या गर्नेको संख्या बढ्ने छ। यहाँलाई दैनिक कर्मबाट सन्तुष्टि मिल्ने छ। व्यापार व्यवसायबाट प्रगति को योग छ । विद्यार्थी जनहरुको लागि अध्ययन अध्यापनमा सफलता पाइने छ । यदि यहाँ नोकरी वाला हुनुहुन्छ भने राज्यस्तरको जिम्मेवारी पाउनु हुनेछ। तर साताको अन्तमा परिवारमा आउने कलहले मन खिन्नता हुने छ। ॐ शुं शुक्राय नम : ११ हजार जप तथा अंबिका देवीको पुजा गर्नुहोला)
८. वृश्चिक राशि (तो ना नि नु ने नो या यि यु)
राशी स्वामी मंगल , मंगलबार शुभ आइतबार अशुभ , रातो रङ्ग शुभ । पुर्व अग्नि कोण शुभ । बिवाहित जनहरुको निमित्त यो साता अनुकूल रहेको छ । दाम्पत्य जीवन अतेन्तै सुख मय हुने छ र पति पत्नीको सल्लाहमा गरेको निचोडले वैदेशिक यात्रा हुने योग पनि प्रसस्त छ। दैनानुदिन गरेका काम प्रती आफै मा संतुष्ट भैने छ। बिग्रेको स्वास्थ मा सुधार आउनेछ। परिवामा बिगत केही समय देखि देखिएको तनाव नजिकको आफन्तको कारण ले तनाव मुक्त भई परिवारमा खुसहालको माहोल छाउने छ। शिक्षा शिक्षणमा प्रगती तथा आम्दानी बढनुका साथै नाम पनि चल्ने छ। विद्वान जनहरुको आग्रहको कारणले गर्दा सभ सम्मेलनमा सहभागी हुन पाइनेछ। राजनीतिको क्षेत्र बाट भने अपजसको सामना गर्नु पर्ने छ। मंगलबार शुभ समाचार र काम बन्ने योग छ। (ॐ मगल मुर्तये नम: १० हजार जप तथा हनुमानको आरधना गर्नुहोला)
९. धनु राशि (ये यो भा भि भु ध फा ढा भे)
राशी स्वामी गुरु ,शुभ बार बिहीबार अशुभ बार शुक्रबार । पहेँलो रङ्ग शुभ पुर्ब इशान कोण शुभ। कानुनी क्षेत्रमा सफलता पाइने छ । कानुनी सफलता देखेर समकक्षी साथीहरू जल्ने छन । प्रेमी प्रेमिकाको लागि यो साता अत्यन्त अनुकुल रहेको छ । पारिवारिक बेमेल अन्त भएर जाने योग छ। विद्यार्थी जनहरुमा आलस्यताको कारण शिक्षा शिक्षणमा प्रगति हुन पाउने छैन । अत:आलस्यता त्याग्नु श्रेय कर होला । पुर्खेउली सम्पत्तिको सुक्री बिक्रीको योग छ। धनार्जनको नया योग पनि छ। बिगतका कामको आधारले गर्दा सामाजिक क्षेत्रबाट मान सम्मान पाइने छ र मान सम्मानको उर्जाले नवीन काममा खोज अनुसन्धानमा जान आंट आउनेछ । शुक्रबारदेखी गुप्ताङ्गमा केही समस्या देखा पर्नेछ्न भने बिहिवार शुभ समाचार र सम्मान पाइनेछ। (ॐ बृं बृहस्पतये नम: १९ हजार जप तथा कुलदेवताको आरधना गर्नु होला ।
१०. मकर राशि (भो जा जि जु ख खा खि गा गि)
राशी स्वामी शनि , शनिबार शुभ, आइतबार अशुभ ।पश्चिम नैऋत्य कोण शुभ । कालो निलो शुभ । विद्यार्थीहरुको निमित यो साता अनुकुल रहेको छ । शिक्षा शिक्षणको क्षेत्रमा गरेको लगानी ले उन्नति हुने छ । अध्यापनमा सुधारका बाटो खुल्ने छन, मन हर्षित हुनेछ । विशिष्ट व्यक्तिको ढाडसले मनमा सकारात्मक सोच वृद्धि हुनेछ। आफन्त जनको उपचारमा संचित धन खर्च हुनेछ। यदि तपाईंहरु वैदेशिक रोजगारमा जाँदै हुनुहुन्छ भने सतर्कता अपनाउनु नै श्रेय कर हुन जाने छ । वैदेशिक रोजगारको बाहानामा ठगीन सकिने छ । परिवारमा सद्भाव सदासयको कारणले गर्दा पारिवारिक माया प्रेम पाइनेछ। प्रेमी प्रेमिका बीचको घनिष्ठ सम्बन्ध बढी प्रेमको आदान प्रदान हुने योग छ। पुर्ब समयमा गरेको काम को प्रभावले गर्दा र आफ्नु लगनले काम सम्पन्न हुन गै मन संतुष्ट हुनेछ।(ॐ शं शनैश्चराय नम: २३ हजार जप तथा देवीको पुजा गर्नु होला)
११.कुम्भ राशि (गु गे गो सा सि सु से सो दा)
राशि स्वामी शनि , शनिबार शुभ , आइतबार अशुभ , पश्चिम वायु कोण शुभ। कालो ध्वांसे रङ्ग शुभ । राजनीतिमा ख्यातिप्राप्त र विशिष्ट व्यक्तिहरुको सरसल्लाह सहयोगले सामाजिक महत्व पुर्ण काम बन्ने छ । सकारात्मक कर्मबाट उचित फल तथा मुनाफा पाइनेछ। आफुले गरेको कामबाट संतुष्ट भईने छ। साहित्यको क्षेत्रमामा प्रगति हुनेछ। माता पिताको सहयोग र आशीर्वादले नबनेको काम कार्बाही सुचारु हुन गई मुनाफातिर जाने छ। सरकारी नोकरीमा हुने को लागि यो साता मान सम्मान को योग छ । व्यापारी जनको लागि व्यवसायमा उन्नतिको योग छ । शनिबारदेखि काममा तिब्रता आउनेछ । आइतबार मन खिन्न हुनेछ । नशामा समस्या देखिने छ।(ॐ शं शनैश्चराय नम: २३ हजार जप तथा माता गुह्यश्वरीको पुजा गर्नुहोला ।
१२.मीन राशि (दि दु थ झ ञ दे दो चा चि)
राशी स्वामी गुरु , गुरुबार शुभ , शुक्रबार अशुभ ।पुर्ब दिशा शुभ। पश्चिम्अशुभ । पहेलो सेतो रङ्ग शुभ । बित्तीय क्षेत्रमा हुनेहरुको लागि यो साता उन्नत समय रहेको छ । सेयर बजारमा मुनाफा हुने योह छ र साझेदार वाला कामबाट सोचेअनुरुपको मुनाफा पाइनेछ । मंगल काममा सरिक हुने योग छ । व्यापारको क्षेत्रबाट नाफा हुनेछ । आफन्तको भर पुर सहयोग पाइनेछ । पारिवारिक झमेला भै पति पत्नी बिच मन मुटाव हुनेछ । सन्तानले तनाव महसुस गर्नेछ ।अचानक प्रेम प्रस्ताव आउने योग छ । अबिवाहितको लागि प्रेम सुमधुर रहेकोे छ। बिवाहितको लागि भने पर संगतले तनाव झेल्नु पर्ने छ। गोडा झमझमाउने समस्या आइ लाग्नेछ। कफ सम्बन्धि समस्या आउनेछ (बृं बृहस्पतये नम : १९ हजार जप तथा पित्री तथा कुलदेवताको आरधना गर्नु होला)
हामी सबैको अबको हप्ता शुभ रहोस् ।
आचार्य सुजन अधिकारी कस्यप
ज्योतिषाचार्य अंक गणित
कपन काठमाडौं फोन नं: ९८४१८९१९४१/९८४१७०२७८९
यदि तपाईंलाई चिना तथा टिप्पन बनाउँन,चिना हेराउँन लगायत अन्य ज्योतिष परामर्श आवश्यक परे सम्पर्क गर्नुहोला ।
प्रकाशित मिति: शुक्रबार, कात्तिक ९, २०७५ ०७:३८
