पाकिस्तानमा भुकम्पका कारण मृत्यु हुनेको सङ्ख्या २८ र घाइते ४७६ भन्दा बढी

ताजा समाचार

गृहपृष्ठ
ताजा समाचार
पाकिस्तानमा भुकम्पका कारण मृत्यु हुनेको सङ्ख्या २८ र घाइते ४७६ भन्दा बढी

पाकिस्तानमा भुकम्पका कारण मृत्यु हुनेको सङ्ख्या २८ र घाइते ४७६ भन्दा बढी

बुधबार, असोज ८, २०७६ राष्ट्रिय समाचार

pakistan-earthquake-kashmir

एजेन्सी– पाकिस्तानमा मङ्गलबार गएको भूकम्पमा परी मृत्यु हुनेको सङ्ख्या २८ पुगेको प्रहरीले बताएको छ । भूकम्पका कारण कम्तीमा ४७६ व्यक्ति घाइते भएका सरकारी र स्थानीय सञ्चार माध्यमले बुधबार विहान जनाएको छ । पूर्वी पाकिस्तानको मिरपुरलाई केन्द्रविन्दु बनाएर सो भूकम्प गएको थियो । मङ्गलबार अपराह्नमा गएको यस भूकम्पको कारण पाकिस्तान प्रशासित काश्मिरका कतिपय स्थानहरूका घरहरूमा पूर्ण तथा आंशिक क्षति भएको, सडकमा ठूला–ठूला चिरा परेको, विद्युत्का पोलहरू ढलेको, टेलिफोनका टावरहरूमा क्षति भएको बताइएको छ । पूर्वी पाकिस्तान र भारतमा समेत झड्का महसुस भएको थियो । भूकम्प ५.८ रेक्टर स्केलको रहेको अमेरिकी भौगर्भिक सर्वेक्षण संस्था (युएसजिएस) विभागले जनाएको छ ।

प्रकाशित मिति: बुधबार, असोज ८, २०७६ १४:३८

प्रतिक्रिया दिनुहोस्