चीनमा बन्यो विश्वको सबैभन्दा ठूलो विमानस्थल, राष्ट्रपति सीले गरे उद्घाटन

ताजा समाचार

गृहपृष्ठ
ताजा समाचार
चीनमा बन्यो विश्वको सबैभन्दा ठूलो विमानस्थल, राष्ट्रपति सीले गरे उद्घाटन

चीनमा बन्यो विश्वको सबैभन्दा ठूलो विमानस्थल, राष्ट्रपति सीले गरे उद्घाटन

बिहीबार, असोज ९, २०७६ राष्ट्रिय समाचार

22_9qLQy6xbiD

काठमाडौं–चिनियाँ राष्ट्रपति सी जिपिङले दासिङ अन्तर्राष्ट्रिय विमानस्थलको उद्घाटन गरेका छन् । चीनको राजधानी बेइजिङदेखि दक्षिणमा निर्माण भएको चीनको नयाँ प्रवेशद्वारको उनले उद्घाटन गरेका हुन् । ४५ महिना लगाएर ८० अर्ब युआन (११.२ अर्ब अमेरिकी डलर) लागतमा निर्माण गरिएको दासिङ अन्तर्राष्ट्रिय विमानस्थल भएर १० करोड यात्रुहरुको आवतजावत हुने अपेक्षा गरिएको छ । दासिङ अन्तर्राष्ट्रिय विमानस्थल आधिकारिक रूपमा सञ्चालन आएसँगै बेजिङको उड्डयनमा दुईवटा ‘हब’को युग सुरु भएको विमानस्थलले जनाएको छ । नयाँ विमानस्थल सञ्चालन भएसँगै बेइजिङ र उत्तरी चीनको तियानजिन महानगरका दुई सहरका तीनवटा विमानस्थल भएर करोडौँ यात्रुहरु आवतजावत हुनु चीनको नागरिक उड्डयन उद्योगका लागि ऐतिहासिक भएको अधिकारीहरुले जनाएका छन् । चीनको साउथर्न एयरलाइनको ए ३८०, चीनको इस्टर्न एयरलाइनको ए ३५० र एयर चाइना बोइङ ७४७–८ सहित कूलमा सातवटा ‘स्टार’ हवाईजहाहरु बुधबार दिउँसो त्यहाँ पठाइनेछ । त्यहाँ १६ वटा हवाई कम्पनीहरु दासिङ अन्तर्राष्ट्रिय विमानस्थलमा रहने छन् । १५ वटा अन्तर्राष्ट्रिय र १०१ आन्तरिकसहित ११६ हवाई मार्ग खुला गरिनेछ । विमानस्थलमा चारवटा धावनमार्ग, १५० वटा हवाइजहाजका लागि अवरण गर्ने स्थान र ७ हजार वर्गमिटरका टर्मिनल भवन रहेका छन् । प्रत्येक वर्ष १३ करोड यात्रुहरुको आवतजावत हुनेछ । दासिङ अन्तर्राष्ट्रिय विमानस्थलमा यात्रुहरुले सुरक्षा जाँचका समयमा बोर्डिङ पास देखाउनुपर्ने छैन, सबै चेकजाँच र सुरक्षाका लागि नयाँ फेसियल रिकग्निसन सिस्टम (अनुहार हेरेर पहिचान गर्ने नयाँ प्रणाली)ले गर्नेछ । नयाँ विमानस्थलमा चीनको इस्टर्न एयरलाइन्सले २०० ठूला र मध्यम आकारका हवाइजहाजहरु मार्फत अमेरिका, युरोप, ओसिनियाँ, साउथ इस्ट एसिया, जापान र दक्षिण कोरियासँगै चीनको हङकङ, मकाउ र ताइवानलाई चिनियाँ केन्द्रसँग जोड्नेछ । चीनको नागरिक उड्डयन प्रशासनका अनुसार साधारणतया चीनको मुख्य सहरहरुमा ठूला विमानस्थहरु चरम विन्दुमा पुगेका छन् । सन् २०१८ मा चीनको नागरिक विमानस्थलमा कूल एक अर्ब २६ करोड यात्रुहरु पुगेका र विगत १० वर्षमा ११ प्रतिशतको औषत वार्षिक यात्रुहरु वृद्धि भएका छन् । सन् २०१८ को अन्त्यमा चीनसँग २३५ वटा नागरिक विमानस्थलहरु छन् । यसमध्ये ३७ वटासँग वार्षिक रूपमा कम्तीमा एक करोड यात्रुहरु हुने गरेको छ । यीमध्ये १० वटासँग ३ करोड यात्रुहरु रहने गरेको छ । अहिले चीन विश्वकै दोस्रो ठूलो उडड्यन बजार हो । इन्टरनेसनल एयर ट्रान्सपोर्ट एसोसिएसनका अनुसार सन् २०२५ तिर चीनको उड्डयन बजार विश्वकै सबैभन्दा ठूलो हुनेछ ।

प्रकाशित मिति: बिहीबार, असोज ९, २०७६ १०:०२

प्रतिक्रिया दिनुहोस्