काठमाडौँ । आज २०८१ साल कात्तिक ५ गते सोमबार तदनुसार सन् २०२४ अक्टोबर २१ तारिख। कात्तिक कृष्ण पक्षको चतुर्थी तिथि।
मेषः दिन रमाइलो छ। अचानक धन प्राप्त हुनेछ। शेयर कारोबारमा फाइदा हुने योग छ। रोग प्रतिरोधात्मक क्षमता बढ्नेछ।
वृषः तपाईंको कला र गलाको प्रशंसा हुने दिन छ। नाम र इज्जत जोगाउन धन खर्च हुनेछ। शिक्षाको क्षेत्रमा सोचेको नतिजा प्राप्त नहुने जोखिम छ।
मिथुनः लगानीमध्ये निजी क्षेत्रमा गरेको लगानीबाट फाइदा हुनेछ। शिक्षाको क्षेत्रमा प्रगति हुनेछ। औषधी नियमित नहुँदा रोगले सताउने देखिन्छ।
कर्कटः लगानीको क्षेत्रमा घाटा हुनेछ। राजनीतिक सङ्गठनमा रहेका साथी विपक्षी कित्तामा पुगेका छन्। साथीको विश्वास नगर्नु राम्रो हुनेछ।
सिंहः बौद्धिक व्यक्तिसँगको भेटले मन हलुका हुनेछ। चिकित्सकको निगरानी भए स्वास्थ्यमा सुधार हुनेछ। परिवारमा धोका हुने भएकाले सचेत बन्नुपर्ने दिन छ।
कन्याः दिन रमाइलो छ। लगानीका क्षेत्रबाट राम्रो आम्दानी हुनेछ। स्वदेशमा गरेको लगानी भन्दा विदेशको लगानीमा मन जानेछ। परिवारसँगको सम्बन्ध सुमधुर बन्नेछ।
तुलाः आफ्नो भन्दा समाजको सेवा गर्ने स्वभावले निरन्तरता पाउने योग छ। बोली र व्यवहार फरक भएकाले आफन्त टाढा पुग्ने जोखिम रहेको छ।
वृश्चिकः दिन सहज छ। साथीसँग बोल्नु अगाडि सचेत बन्नु राम्रो हुनेछ। राम्रो बोल्छु भन्दा नराम्रो शब्द सार्वजनिक हुनसक्छ। परिवारसँगको सम्बन्ध सुमधुर बन्नेछ।
धनुः नियमित काममा अवरोध हुनेछ। लगानीका क्षेत्रमा आफू अगाडि बढ्नु भन्दा परिवारको साथ लिनु फाइदाजनक हुनेछ। राजनीतिक सङ्गठनमा खटपटी बढ्नेछ।
मकरः सञ्चित धन खर्च गर्ने बानीले तपाईंलाई निरास बनाउने छ। शिक्षाको क्षेत्रमा तपाईंको प्रगति हुनेछ। तपाईंले परीक्षामा लेख्नु भएको भए राम्रो नतिजा प्राप्त हुनेछ।
कुम्भः साना कुराले मन अशान्त बन्नेछ। बिहान उठेर शिवको भजन सुन्दै दिनको सुरुवात गरेमा मन शान्त बन्नेछ। पेट सम्बन्धी समस्याले सताउने भएकाले खानपानमा विशेष ख्याल गर्नु राम्रो हुनेछ।
मीनः बोल्नु अगाडि तीन पटक सोच्नुपर्ने दिन छ। तपाईं राम्रो बोले पनि साथीले गलत अर्थ लगाउनसक्ने जोखिम रहेको छ। आफ्नो भन्दा पनि बन्धु र दिदीबहिनीको उन्नति देखिनेछ।
