काठमाडौँ । आज २०८१ साल कात्तिक ८ गते बिहीबार तदनुसार सन् २०२४ अक्टोबर २४ तारिख। कात्तिक कृष्ण पक्षको सप्तमी तिथि।
मेषः सञ्चित धन खर्च हुनेछ। साथीले असहयोग गरेकाले मन भारी हुनसक्छ। उपचारको क्रममा भए स्वास्थ्यलाभ हुनेछ।
वृषः आफ्नो बोली सम्हाल्न कठिन हुने दिन छ। बोल्नु अगाडि तीन पटक सोच्नुपर्ने दिन छ। काम गर्ने भए बन्धु र अग्रजसँग सल्लाह लिनु आवश्यक देखिन्छ।
मिथुनः धनलक्ष्मी योग रहेकाले सम्पत्ति कमाउने दिन छ। विदेशमा भन्दा स्वदेशमा रोजगारीको अवसर मिल्नेछ। शिक्षाको क्षेत्रमा प्रगति हुनेछ।
कर्कटः तपाईंको राशिमा चन्द्रमा उच्च स्थानमा पुगेका छन्। बोलीको प्रभावले राम्रो काम बन्ने भएकाले परोपकारमा प्रयोग गर्नु राम्रो हुनेछ।
सिंहः बौद्धिक व्यक्तिसँगको भेटले मन हलुका हुनेछ। राजनीतिक संगठनबाट सेवाको अवसर प्राप्त हुनेछ। परिवारमा भने मेलमिलाप हुने दिन छ।
कन्याः दिन राम्रो छ। कृषि, फलफूल र खेतीपातीबाट राम्रो आम्दानी हुनेछ। परिवारको साथ र सहयोग मिल्नेछ।
तुलाः कर्मस्थानमा चन्द्रमा रहेकाले कर्मको फल प्राप्त हुनेछ। स्वदेशी भन्दा विदेशको रमझमले मन तान्न सक्छ।
वृश्चिकः तपाईंका लग्नमा शुक्र भएकाले राम्रो काम बन्नेछ। रोग लागेको थाहा भएर पनि खानपानमा लापरवाही गर्दा सताउने जोखिम छ।
धनुः दिन सामान्य छ। लगानीको क्षेत्रमा ढिलासुस्ती हुनेछ। व्यापारमा घाटा हुनेछ। आफ्नो हातबाट भन्दा सहकर्मीको हातबाट व्यवहार गर्नु राम्रो हुनेछ।
मकरः खर्च बढ्ने खतरा छ। सप्तम भावमा उच्च चन्द्रमा भएकाले परिवारको साथ लिएर गरेको काम सफल बन्नेछ। स्वदेशी लगानी भन्दा विदेशको लगानीबाट नाफा हुनेछ।
कुम्भः टाउको दुख्ने जोखिम बढी हुनसक्छ। सानो कुराले सताउने खतरा छ। आध्यात्मिक क्षेत्रका काममा सहभागी भए दिन सहज बन्नेछ।
मीनः तपाईंको लगानीबाट नाफा हुनेछ। सामाजिक र राजनीतिक सङ्गठनमा पहुँच विस्तार हुनेछ। शुभकार्यमा सहभागी हुने अवसर प्राप्त हुनेछ।
