काठमाडौँ । आज २०८१ साल कात्तिक ९ गते शुक्रबार तदनुसार सन् २०२४ अक्टोबर २५ तारिख। कात्तिक कृष्ण पक्षको अष्टमी तिथि। राधा अष्टमी व्रत।
मेषः चन्द्रमा गलत ठाउँमा भएकाले सोचेको काम नबन्ने जोखिम छ। ठुलो काममा हात नलगाउनु राम्रो हुनेछ। सुरक्षा क्षेत्रको जिम्मेवारीमा भए बढुवा हुनेछ।
वृषः समाज र परिवारमा थोरै बोलेर जित्ने दिन छ। पुरानो रोगले भन्दा नयाँ रोगले सताउने भएकाले सचेत बन्नुपर्नेछ।
मिथुनः धनलक्ष्मी योग रहेकाले लगानीमा हिम्मत गरेमा व्यापारमा फाइदा हुनेछ। धार्मिक क्षेत्रमा आस्था घट्ने सम्भावना छ।
कर्कटः दिन राम्रो छ। राजनीतिक सङ्गठनमा तपाईंको पहुँच विस्तार हुनेछ। परिवारमा रमाइलो भेटघाट हुनेछ। प्रेम सम्बन्ध सुमधुर बन्नेछ।
सिंहः वैदेशिक रमझमले मन अशान्त बन्नेछ। मिल्ने साथीसँगको सहकार्य सफल बन्नेछ। परिवारमा मायाले घात गर्ने खतरा छ।
कन्याः अरुलाई भड्काएर दिन सफल बन्नेछ। बन्धुको साथ मिल्नेछ। रोगको उपचारमा भए लाभ लिने दिन छ।
तुलाः प्रतिस्पर्धी सङ्गठित भएकाले सचेत बन्नु राम्रो हुनेछ। गला र कलाको प्रदर्शन गर्ने कुरामा सफलता मिल्नेछ।
वृश्चिकः बौद्धिक क्षेत्रमा गरेको प्रयास सफल बन्नेछ। राजनीतिक सङ्गठनमा राम्रो काम गर्ने प्रयास गर्नुपर्नेछ। व्यापारमा हात नबढाएको राम्रो हुनेछ।
धनुः आज मनमा खटपटी बढ्नेछ। सोचेको काममा अवरोध हुनेछ। कानुनी पर्खाइमा भए न्याय मिल्ने दिन छ।
मकरः लगानीका क्षेत्र परिवर्तन गर्नुपर्ने देखिन्छ। दाजुभाइसँगको सहकार्यमा फाइदा हुनेछ। परिवारको तर्फबाट साथ र सहयोग मिल्नेछ।
कुम्भः मध्य साढेसाती दशा चलिरहेको छ। मन अशान्त बन्नेछ। लगानीको क्षेत्रमा घाटा हुनेछ। शिक्षाको क्षेत्रमा भने मेहनतको फल प्राप्त हुनेछ।
मीनः राजनीतिक सङ्गठनमा तपाईंको नाम रहनेछ। परिवारसँगको सम्बन्ध सुमधुर बन्नेछ।
