इजरायलले गर्यो इरानका विभिन्न शहरमा आक्रमण

अन्तर्राष्ट्रिय

गृहपृष्ठ
अन्तर्राष्ट्रिय
इजरायलले गर्यो इरानका विभिन्न शहरमा आक्रमण

इजरायलले गर्यो इरानका विभिन्न शहरमा आक्रमण

शनिबार, कात्तिक १०, २०८१ राष्ट्रिय समाचार

इजरायलले इरानमा आक्रमण गरेको छ । इजरायलले इरानको राजधानी तेहरान सहितका ठाउँमा रहेका सैन्य अखडामा आक्रमण गरेको अन्तर्राष्ट्रिय सञ्चारमाध्यमले जनाएका छन् ।

तेहरानमा लक्षित गरेर प्रहार भएका मिसाइललाई आफ्नो प्रतिरक्षा प्राणालीले आकासमै ध्वस्त पारेको इरानले जनाएको छ । इरानका अरु विभिन्न शहरमा पनि आक्रमण भएको जनाएको छ । यो आक्रमणलाई जवाफ दिनको लागि इरानले छलफल थालेको छ ।

यही अक्टोबरको १ तारिखमा इरानले इजरायलमा २ सयवटा मिसाइल हानेको थियो । त्यसैको जवाफमा आज इरानलाई आक्रमण गरेको इजरायलले जनाएको छ ।

इरानले पनि आक्रमण गर्ने सम्भावना रहेको भन्दौ इजरायलका प्रधानमन्त्री बेन्जामिन नेतान्याहु सहितका शीर्ष नेताहरू अहिले बङ्करमा लुकेको कतारी सञ्चारमाध्यम अल जजिराले जनाएको छ ।

इजरायल र इरानबीच पूर्ण क्षमताको युद्ध भएमा यसले मध्यपूर्व मात्र नभई विश्वलाई नै युद्धमा धकेल्ने भन्दै चिन्ता व्यक्त भइरहेको छ ।

प्रकाशित मिति: शनिबार, कात्तिक १०, २०८१ ०७:४३