काठमाडौँ । आज २०८१ साल कात्तिक १० गते शनिबार तदनुसार सन् २०२४ अक्टोबर २६ तारिख । कात्तिक कृष्ण पक्षको नवमी तिथि ।
मेषः व्यापारमा मन्दी आउनेछ। खानपानमा ख्याल नगर्दा रोग बढ्नेछ। सरकारी कर्मचारी भए बढुवा हुने योग छ। परिवारको साथ र सहयोग मिल्नेछ।
वृषः बौद्धिक साथीले सहयोग नगर्दा मन अशान्त बन्नेछ। सप्तम भावमा शुभग्रह रहेकाले परिवारको साथ मिल्नेछ। परिवारमा माया बढ्नेछ।
मिथुनः स्वदेशमा रोजगारीको क्षेत्र पत्ता लाग्नेछ। धार्मिक क्षेत्रको लगानी भए फाइदा हुनेछ। परिवारमा राम्रो घुलमिल हुनेछ।
कर्कटः दिनको सुरुवात रमाइलो हुनेछ। धार्मिक कार्यमा सहभागी हुने अवसर मिल्नेछ। राजनीतिक सङ्गठनमा तपाईंले अवसर प्राप्त गर्नुहुनेछ।
सिंहः तपाईंको बोलीको प्रभावले राम्रो काम बन्नेछ। शरीरको रोग निको हुनेछ। वैदेशिक लगानीबाट फाइदा हुनेछ।
कन्याः लगानीमा सहकार्य गरेका साथीले आक्रमण गर्ने जोखिम छ। बन्धुको साथ लिएर अगाडि बढेमा दिन सहज बन्नेछ। प्रेम सम्बन्धमा सफलता मिल्नेछ।
तुलाः तपाईंको सफलतामा दाग देखाउने साथीभाइ सक्रिय भएकाले सचेत बनेर अगाडि बढ्नुपर्नेछ। परिवारमा भने खटपटी बढ्नेछ।
वृश्चिकः भाग्यको स्थानमा शुभग्रह भएकाले मन शान्त बन्नेछ। परिवारको तर्फबाट रचनात्मक साथ मिल्नेछ। प्रेम सम्बन्ध सुमधुर बन्नेछ।
धनुः सञ्चित धनलाई जोगाउने प्रयास गर्नुपर्नेछ। धार्मिक व्यक्तिसँगको सल्लाहले मनमा उत्साह थपिनेछ।
मकरः शुभ ग्रहको बल भएकाले अन्त्य साढेसाती दशा भए पनि आम्दानी र खर्च बराबर हुनेछ। दाजुभाइसँगको सहकार्यमा गरेको लगानीबाट फाइदा हुनेछ।
कुम्भः भाग्यको स्थानमा शुक्र कमजोर भएकाले ठुलो काम गर्ने योजना भए परिवारको साथ लिनु आवश्यक देखिन्छ।
मीनः लगानीका क्षेत्रमा स्वदेशमा भन्दा वैदेशिक लगानीमा मन जानेछ। लगानी गरेको भए फाइदा हुनेछ। खानपानमा ख्याल नगर्नाले रोगको प्रकोप बढ्नेछ।
