काठमाडौँ । आज २०८१ साल कात्तिक १२ गते सोमबार तदनुसार सन् २०२४ अक्टोबर २८ तारिख। कात्तिक कृष्ण पक्षको एकादशी तिथि। रमा एकादशी व्रत।
मेषः विपक्षी तपाईंको साथमा भएकाले निर्धक्कसँग सोचेको काम गर्नु राम्रो हुनेछ। परिवारसँगै बसेर रमाइलो गर्ने दिन छ।
वृषः धेरै बोलेमा समस्या हुने भएकाले थोरै बोलेर जित्ने दिन छ। साना कुराले छिटो रिस उठ्ने भएकाले ठुलो मन बनाएर अगाडि बढ्नुपर्ने छ।
मिथुनः विपक्षी साथीले असहयोग गर्ने भएकाले सचेत बन्नु राम्रो हुनेछ। धार्मिक क्षेत्रमा तपाईंको झुकाव रहनेछ। परिवारले रचनात्मक साथ र सहयोग दिनेछ।
कर्कटः धनलक्ष्मी योग परेको छ। थोरै लगानी गरे पनि फाइदा हुनेछ। राजनीतिक क्षेत्रमा तपाईंको पहुँच विस्तार हुनेछ।
सिंहः मनको गोपनीयता खोल्ने बानीले समस्या हुनसक्छ। बोल्नु अगाडि तीन पटक सोच्नु राम्रो हुनेछ। खानपानमा रुचि नहुँदा स्वास्थ्यमा समस्या हुने जोखिम छ। परिवारको साथ र सहयोग प्राप्त हुनेछ।
कन्याः सञ्चित धन खर्च गर्ने दिन छ। परिवारले तपाईंलाई साथ दिनेछन्। प्रेम सम्बन्ध सुमधुर बन्नेछ। घुम्ने अवसर प्राप्त हुँदा दिन सहजै बित्नेछ।
तुलाः गुरुले आलोचना गर्दा सचेत बन्नुपर्नेछ। साथीभाइको नकारात्मक टिप्पणी सुनेर सचेत बन्नु राम्रो हुनेछ। वैदेशिक क्षेत्रमा लगानी गरेको भए राम्रो फाइदा हुनेछ।
वृश्चिकः आजको निर्णयले दीर्घकालसम्म काम गर्नेछ। भाग्यको स्थानमा उच्च चन्द्रमा भएकाले शिक्षामा गरेको प्रयास सफल बन्नेछ।
धनुः तपाईंको जागिरमा बढुवा हुनेछ। बोल्दा सचेत बन्नु राम्रो हुनेछ। परिवारसँगको प्रेम सम्बन्ध सुमधुर बन्नेछ।
मकरः सञ्चित धनको खर्च अनुत्पादक क्षेत्रमा हुने भएकाले सचेत बन्नुपर्नेछ। पूर्वको लामो यात्रा नगर्नु राम्रो हुनेछ। बिहान उठेर पिपलको दर्शन गरेमा दिन सहज हुनेछ।
कुम्भः लगानीको क्षेत्रबाट नाफा हुनेछ। व्यापारमा फाइदा हुने योग छ। मध्य साढेसाती दशा भएकाले वर र पिपलको दर्शन गर्नसके दिन रमाइलो बन्नेछ।
मीनः परिवारसँग सल्लाह लिएर अगाडि बढेमा दिन सहज हुनेछ। प्राविधिक शिक्षामा गरेको परिश्रमबाट लाभ हुनेछ।
