काठमाडौँ । आज २०८१ साल कात्तिक १५ गते बिहीबार तदनुसार सन् २०२४ अक्टोबर ३१ तारिख। कात्तिक कृष्ण पक्षको चतुर्दशी उपरान्त औंसी तिथि। कुकुर तिहार, नरक चतुर्दशी आजै परेका छन्।
मेषः उत्तरको लामो यात्रा नगर्नु राम्रो हुनेछ। सङ्कटमा परिवारको साथ र सहयोग मिल्नेछ। प्रेम सम्बन्ध सुमधुर बन्नेछ।
वृषः राजनीतिक क्षेत्रमा सङ्गठनले साथ दिनेछ। चाडपर्वको नाममा निन्द्रा गडबड हुनेछ। खान रुचि नहुने जोखिम छ।
मिथुनः खर्च गर्नु अगाडि सचेत बन्नु राम्रो हुनेछ। शिक्षाका क्षेत्रमा राहत मिल्नेछ। विपक्षीले अप्ठेरोमा लडाउने भएकाले सचेत बन्नु राम्रो हुनेछ। प
कर्कटः बढी चिल्लो र गुलियो खानाले शरीरमा रोगको प्रकोप बढ्नसक्छ। प्राविधिक शिक्षा र राजनीतिक क्षेत्रमा तपाईंको नाम चर्चामा हुनेछ। परिवारमा भने खटपटी बढ्नेछ।
सिंहः खानपानमा सचेत बन्नु राम्रो हुनेछ। परिवारमा खटपटी बढ्नेछ। कला र गलाको प्रदर्शन हुँदा तपाईंको प्रशंसा हुनेछ।
कन्याः धनलक्ष्मी योग परेको छ। लक्ष्मीप्रति भक्ति राख्नु राम्रो हुनेछ। साथीहरू सकारात्मक भएकाले परोपकारमा मन दिनु आवश्यक देखिन्छ।
तुलाः दान गरेमा मन शान्त हुनेछ। शिक्षाको क्षेत्रमा ढिलासुस्ती बढ्नेछ। आफू सचेत रहन सके रोगबाट मुक्त हुने अवसर मिल्नेछ। दक्षिणको यात्रा नगर्नु राम्रो हुन्छ।
वृश्चिकः साथीभाइको सहयोग मिल्नेछ। खानपानमा ख्याल नगर्दा रोग बढ्नेछ। शिक्षाको क्षेत्रमा तपाईंको प्रशंसा हुनेछ।
धनुः आजको लगानीबाट फाइदा हुनेछ। रोगबाट मुक्त हुने योग छ। विपक्षी सक्रिय भएकाले काम गर्दा तीन पटक सोचेर अगाडि बढ्नु राम्रो हुनेछ।
मकरः साथी र सङ्गठनको राम्रो साथ मिल्नेछ। एकल लगानी भने घातक हुनेछ। परिवारले साथ नदिँदा मन अशान्त बन्ने खतरा छ।
कुम्भः लगानीका क्षेत्रमा फाइदा हुनेछ। साथीभाइले साथ दिनेछन्। परिवारसँगको सम्बन्ध सुमधुर बन्नेछ। व्यापारमा फाइदा हुनेछ।
मीनः आज नयाँ कुरा गर्नु भन्दा दैनिक कामलाई मात्र निरन्तरता दिनु राम्रो हुनेछ। परिवारको साथ र सहयोग मिल्नेछ।
