काठमाडौँ ।आज २०८१ साल कात्तिक १६ गते शुक्रबार तदनुसार सन् २०२४ नोभेम्बर १ तारिख। कात्तिक कृष्ण औंसी तिथि। हलोबार्ने औंसी।
मेषः सञ्चित धन खर्च हुने योग छ। साना कुराले मन अशान्त बन्नेछ। साथीभाइसँग रमाइलो गर्नेक्रममा परिवारको साथ रहनेछ।
वृषः न्यायको पर्खाइमा भए तपाईंको पक्षमा निर्णय हुनेछ। प्रेम सम्बन्ध सुमधुर बन्ने योग छ।
मिथुनः तिहारको देउसी भैलोमा कला र गलाले साथ दिनेछ। साथीभाइसँग रमाइलो घुमघाम गर्ने दिन भए पनि स्वास्थ्यको ख्याल गर्नुपर्नेछ।
कर्कटः हौसिएर व्यवहार गर्ने बानी छाड्नु राम्रो हुनेछ। प्राविधिक कुरामा फाइदा हुनेछ। वैदेशिक रमझमले मन तान्ने योग छ। परिवारको साथ र सहयोग मिल्नेछ।
सिंहः निर्णय क्षमता कमजोर हुँदा साथीहरूले तपाईंको आलोचना गर्नेछन्। परिवारले सङ्कटमा तपाईंलाई साथ दिनेछ।
कन्याः स्वदेशमा गरेको लगानीबाट फाइदा हुनेछ। साथी र आफन्तले साथ दिने योग छ। परिवारमा सँगै बसेर रमाइलो गर्ने अवसर मिल्नेछ।
तुलाः लगानीले मनमा खुशी मिल्नेछ। हिजो मन दुखाएका साथीहरूसँग बसेर रमाइलो गर्ने अवसर प्राप्त हुनेछ। परिवारको सल्लाह लिएर अगाडि बढेमा राम्रो हुनेछ।
वृश्चिकः तपाईंको कला र गलाको प्रदर्शन गर्ने दिन हो। नजिकका साथीसँग व्यवहार गर्दा सचेत बन्नु राम्रो हुनेछ। परिवारसँगको सम्बन्ध शान्त बन्नेछ।
धनुः समय राम्रो छ। आफन्तको साथ लिएर परोपकारमा अगाडि बढ्नु फाइदाजनक हुनेछ। स्वास्थ्यले साथ दिनेछ।
मकरः अरुलाई समय दिँदा परिवारमा खटपटी बढ्नेछ। शिक्षामा ढिलासुस्तीले घाटा हुनेछ। प्रेम सम्बन्ध सुमधुर बन्नेछ।
कुम्भः मनमा उत्साह हराए पनि लगानी खेर नजाने देखिन्छ। दक्षिणको लामो यात्रा नगर्नु राम्रो हुनेछ। पिपलको दर्शन गरेर दिनको सुरुवात गर्नु राम्रो हुनेछ।
मीनः पञ्चम भावमा खराब दशा भएकाले शिक्षाको क्षेत्रमा घाटा हुनेछ। खानपानमा ख्याल नगर्दा रोग बढ्ने जोखिम छ। सङ्कटमा परिवारको साथ मिल्नेछ।
