काठमाडौँ । आज २०८१ साल कात्तिक १८ गते आइतबार तदनुसार सन् २०२४ नोभेम्बर ३ तारिख। कात्तिक शुक्ल पक्षको द्वितीया तिथि। तिहारको प्रमुख दिन अर्थात् भाइटीका पर्व।
मेषः धन खर्च हुनेछ। रोगसँग लड्ने क्षमता घटेर स्वास्थ्यमा समस्या हुनसक्छ। उत्तरको लामो यात्रा नगर्नु राम्रो हुनेछ।
वृषः समाजमा राम्रो काम गर्छु भन्दाभन्दै अप्ठेरो परिस्थिति बन्नसक्छ। बोल्दा ख्याल गर्नुपर्नेछ। परिवारसँगको सम्बन्ध सुमधुर बन्नेछ।
मिथुनः साथीभाइले असहयोग गर्नेछन्। सङ्कटमा परिवारले भने साथ दिनेछ। प्रेम सम्बन्ध सुमधुर बन्नेछ। शिक्षाको क्षेत्रमा उन्नति हुनेछ।
कर्कटः मनमा चिन्ता बढ्नेछ। सानो कुराले झन्झट बढे पनि शुभ ग्रहको बहुमत भए शिक्षामा मन जानेछ।
सिंहः गम्भीर भएर अगाडि बढ्नुपर्नेछ। तपाईंको इज्जतमा दाग लाग्ने खतरा छ। दिदीबहिनीसँगको भेटले दिन रमाइलोसँग बित्नेछ।
कन्याः समाजमा तपाईंको बोलीको प्रभाव राम्रो रहेको छ। परोपकारमा सहभागी हुनु राम्रो हुनेछ। चेलीले दिएको उपहारले खुशी दिनेछ।
तुलाः धनलक्ष्मी योग परेको छ। लामो समयदेखि रोकिएको सम्पत्ति प्राप्त हुनेछ। साथीसँगको तर्कले अप्ठेरो परिस्थिति बन्नसक्छ।
वृश्चिकः मनमा सानो कुराले चिन्ता हुनेछ। छाति खुला बनाउनुपर्नेछ। प्राविधिक शिक्षामा गरेको लगानीबाट फाइदा हुनेछ। व्यापारमा नाफा कमाउने दिन छ।
धनुः राजनीतिक क्षेत्रमा नाम र दाम रहनेछ। समाजसेवाको अवसर मिल्नेछ। परिवारको साथ लिएर अगाडि बढ्नु राम्रो हुनेछ।
मकरः विपक्षी समूह सक्रिय भएकाले व्यवहार गर्दा ध्यान दिनुपर्नेछ। परिवारमा भने शान्ति मिल्ने दिन छ।
कुम्भः मध्य साढेसातीको दशाले मनमा झन्झट भए पनि बौद्धिक व्यक्तिसँगको भेटले मन हलुका हुनेछ। परिवारले घर व्यवहारमा सकारात्मक साथ दिनेछन्।
मीनः बिहान उठेर गणेशको पूजा गर्नाले दिन सहज बन्नेछ। अप्ठेरो परिस्थितिमा परिवारले तपाईंको बचाउ गर्नेछ। प्रेम सम्बध सुमधुर बन्नेछ।
