अमेरिकाको ४७औं राष्ट्रपतिमा डोनाल्ड ट्रम्प विजयी, २७९ इलेक्टोरल मत प्राप्त

अन्तर्राष्ट्रिय

गृहपृष्ठ
अन्तर्राष्ट्रिय
अमेरिकाको ४७औं राष्ट्रपतिमा डोनाल्ड ट्रम्प विजयी, २७९ इलेक्टोरल मत प्राप्त

अमेरिकाको ४७औं राष्ट्रपतिमा डोनाल्ड ट्रम्प विजयी, २७९ इलेक्टोरल मत प्राप्त

बुधबार, कात्तिक २१, २०८१ राष्ट्रिय समाचार

अमेरिका । अमेरिकाको ४७औं राष्ट्रपतिमा पूर्वराष्ट्रपति डोनाल्ड ट्रम्प विजयी भएका छन् ।

अहिलेकी उपराष्ट्रपति तथा डेमोक्र्याटिक पार्टीकी उम्मेदवार कमला ह्यारिसलाई हराएर ट्रम्प दोस्रो कार्यकालका लागि निर्वाचित हुनुभएको हो ।

जीतका लागि दुई सय ७० इलेक्टोरल मत चाहिनेमा रिपब्लिकन उम्मेदवार ट्रम्पले दुई सय ७९ इलेक्टोरल मत ल्याएका छन् । यद्यपि ट्रम्प विजयी भएको औपचारिक घोषणा हुन बाँकी नै छ ।

कमला ह्यारिसले दुई सय २३ मत ल्याइन् । अमेरिकाको राष्ट्रपतिमा निर्वाचित हुन कुल पाँच सय ३८ मतमध्ये कम्तीमा दुई सय ७० इलेक्टोरल मत ल्याउनुपर्छ ।

यसअघि डोनाल्ड ट्रम्प सन् २०१६ मा पनि अमेरिकी राष्ट्रपति पदमा विजयी भएका थिए । त्यसबेला उनि हिलारी क्लिन्टनलाई हराउँदै पहिलो पटक अमेरिकाको राष्ट्रपति बनेका थिए । ट्रम्प सन् २०२० मा भने जो बाइडेनसँग पराजित भएका थिए ।

यसपटक अमेरिकामा इतिहासकै कडा प्रतिस्पर्धा हुने र अमेरिकी इतिहासमा पहिलो पटक महिला राष्ट्रपति चुनिने सम्भावना रहेको विश्लेषण भइरहेको थियो । तर डोनाल्ड ट्रम्पले सहजै चुनाव जितेका छन् ।

डेमोक्र्याट दलका किल्ला भनिएका राज्य र मतदाताले जुनसुकै बेला मत परिवर्तन गर्न सक्ने भनिएका राज्यमा ट्रम्पको बलियो उपस्थिति देखिएको छ ।

प्रकाशित मिति: बुधबार, कात्तिक २१, २०८१ १७:२४