काठमाडौँ । आज २०८१ साल कात्तिक २६ गते सोमबार तदनुसार सन् २०२४ नोभेम्बर ११ तारिख। कात्तिक शुक्ल पक्षको दशमी तिथि।
मेषः सोचेर गरेको लगानीबाट नाफा हुनेछ। खानपानमा विशेष ध्यान दिनुपर्नेछ। साथीको सहयोगले सोचेको काम बन्नेछ।
वृषः सामाजिक क्षेत्रमा विवाद बढ्नेछ। अन्य कुरामा भन्दा परिवारको काममा केन्द्रित हुनु राम्रो हुनेछ। परिवारको साथमा बसेर रमाइलो गर्ने दिन छ।
मिथुनः तपाईंका कारणले साथीभाइ टाढा हुनसक्छन्। व्यवहारिक पक्षमा सचेत बन्नु राम्रो हुनेछ। विपक्षीसँग बहुमत भएकाले थोरै तर्क गर्नु राम्रो हुनेछ।
कर्कटः राजनीतिक सङ्गठनमा अरुले गरेको गल्तीको भारी तपाईंले बोक्नुपर्ने बाध्यता आइपर्नसक्छ। स्वदेशी लगानी भन्दा विदेशको लगानीबाट मन शान्त बन्नेछ।
सिंहः दिन सहज छ। आफन्तले भन्दा साथीभाइले दुःखमा साथ दिनेछन्। प्रेममा सफलता मिल्नेछ।
कन्याः अचानक खर्च बढ्नेछ। सञ्चित धनको खर्च हुनाले मन दुःखी हुनेछ। परिवारको तर्फबाट साथ र सहयोग मिल्नेछ। प्रेम सम्बन्ध सुमधुर बन्नेछ।
तुलाः राजनीति सङ्गठनमा सेवाको अवसर मिल्नेछ। परिवारको भावनालाई कदर गर्न नसक्दा खटपटी आउनसक्छ।
वृश्चिकः बोलीको प्रभावले राम्रो काम बन्नेछ। मनमा कुरा नराख्नु राम्रो हुनेछ। प्राविधिक शिक्षामा गरेको प्रयासबाट राहत मिल्नेछ।
धनुः एकल निर्णय भन्दा साथीभाइको सहयोगले अगाडि बढ्नुपर्ने दिन छ। स्वदेशमा भन्दा विदेशमा तपाईंको नाम र दाम रहनेछ।
मकरः मनमा खटपटी बढ्नेछ। धनस्थानमा चन्द्रमा पुगेकाले धन आर्जन हुनेछ। महत्त्वपूर्ण कामका लागि स्वास्थ्यले साथ दिनेछ।
कुम्भः लगानी गर्नु भन्दा पनि भएको सम्पत्ति जोगाउने प्रयास गर्नुपर्नेछ। परिवार र साथीभाइको साथ र सहयोग प्राप्त हुनेछ।
मीनः एकल निर्णय आजका लागि घातक हुनसक्छ। शिक्षामा ढिलासुस्ती हुने देखिन्छ। गणेशको भजन सुन्न सकेमा दिन सहज बन्नेछ।
