काठमाडौँ । आज २०८१ साल मंसिर ५ गते बुधबार तदनुसार सन् २०२४ नोभेम्बर २० तारिख। पञ्चमी तिथि।
मेषः वैदेशिक क्षेत्रको रमझमले आकर्षित गर्नेछ। लगानीको क्षेत्रमा फाइदा हुनेछ। धनको घमण्डले साथीभाइ टाढा हुनेछन्। व्यापारमा गरेको सहयात्राले फाइदा हुनेछ।
वृषः माया मारेको सम्पत्ति हात लाग्नेछ। उपचारमा भए स्वास्थ्यमा सुधार हुनेछ। साना कुरामा तर्क नगर्नु राम्रो हुनेछ। परिवारको साथ र सहयोग प्राप्त हुनेछ।
मिथुनः विदेशमा भन्दा स्वदेशमा आम्दानीका विकल्प प्राप्त हुनेछ। परिवारलाई बढी विश्वास गर्दा धोका हुने जोखिम रहेको छ।
कर्कटः तपाईंका सहयोगीले साथ नदिँदा मन दुःखी हुनेछ। स्वास्थ्यले साथ दिने योग छ। काम गर्दा सचेत बन्नुपर्नेछ।
सिंहः दिन राम्रो छ। दीर्घकालीन योजना बनाउन सकिन्छ। परोपकारमा मन जानेछ। परिवारलाई समय दिन नसक्दा खटपटी बढ्ने जोखिम रहेको छ।
कन्याः आज साथीसँग सचेत बन्नु राम्रो हुनेछ। रोग प्रतिरोधात्मक क्षमता बढ्नेछ। परिवारमा सुख र शान्ति मिल्नेछ।
तुलाः कला र गलाको प्रदर्शन गर्ने दिन छ। राजनीतिक सङ्गठनका भने नाम र दाम दुवै रहनेछ।
वृश्चिकः साना कुराले मनमा झन्झट आइपर्नसक्छ। लगानीका क्षेत्र सबल छन्। औषधीमा नियमितता नहुँदा रोगले सताउने जोखिम रहेको छ।
धनुः प्रेम सम्बन्ध सुमधुर बन्ने योग छ। राज्यका अंगमा काम गर्दै हुनुहुन्छ भने तपाईँको उन्नति हुनेछ। परिवारले रचनात्मक साथ दिनेछन्।
मकरः परिवारको सल्लाह लिएर अगाडि बढ्नुपर्नेछ। परिवारभित्र धोका हुने भएकाले व्यवहार गर्दा सचेत बन्नुपर्ने देखिन्छ।
कुम्भः साथीभाइ र आफन्तको साथ मिल्नेछ। शिक्षामा गरेको प्रयास सफल हुनेछ। परिवारमा भने सानो कुराले मनमुटाव हुनसक्छ।
मीनः अनुत्पादक क्षेत्रको खर्च कटौती गर्नु राम्रो हुनेछ। पिपलको दर्शन गरेर दिनको सुरुवात गरेमा दिन सहज बन्नेछ। परिवारसँगको सम्बन्ध सुमधुर बन्ने योग छ।
