काठमाडौँ । आज २०८१ साल मंसिर ६ गते बिहीबार तदनुसार सन् २०२४ नोभेम्बर २१ तारिख। षष्ठी तिथि। विश्व टेलिभिजन र दर्शनशास्त्र दिवस ।
मेषः तपाईंले गरेका राम्रा कामको जस अरुले लिनेछन्। राजनीतिक सङ्गठनमा अगाडि नबढ्नु राम्रो हुनेछ। परिवारसँगको सम्बन्ध सहज बन्नेछ।
वृषः दिन राम्रो छ। आज सुरुवात गरेका काम दीर्घकालसम्म रहनेछन्। निजी क्षेत्रमा गरेको लगानीबाट फाइदा हुनेछ। परिवारमा शान्ति मिल्नेछ।
मिथुनः सम्पत्तिको सदुपयोग गर्नुपर्ने समय छ। गुम्न लागेको सम्पत्ति हात लाग्नेछ। अपरिचित साथीले तपाईंको प्रशंसा गर्नेछन्।
कर्कटः सोचेका काम पूरा हुनेछन्। शिक्षामा जाँगर बढ्नेछ। लगानी गरेको भए शिक्षाको क्षेत्रमा फाइदा हुनेछ। विपक्षी शान्त भएकाले काम बन्नेछ।
सिंहः अचानक धन खर्च हुनसक्छ। साथीको सहयोग र सल्लाहमा अगाडि बढेमा फाइदा हुनेछ। कला प्रदर्शन गर्ने समय छ। काम गर्ने हिम्मत गर्नुपर्नेछ।
कन्याः परिवारमा जमघट हुनेछ। साथीभाइसँग भेट हुनेछ। शुभकार्यमा सहभागी हुने अवसर मिल्नेछ। निजी क्षेत्रमा गरेको लगानीबाट फाइदा हुनेछ।
तुलाः बौद्धिक क्षेत्रमा नाम र दाम दुवै रहनेछ। बिहान उठेर पिपलको दर्शन गरेर दिनको सुरुवात गर्दा फाइदा हुनेछ। परिवारमा सुख र शान्ति मिल्नेछ।
वृश्चिकः साथीसँगको भेटले मन शान्त बन्नेछ। बौद्धिक मानिससँगको भेटले मनमा उत्साह मिल्नेछ। परिवारको झन्झटले मन अशान्त हुनसक्छ।
धनुः बोल्ने कलाको विकास हुनेछ। विपक्षी साथीसँगको प्रतिस्पर्धामा तपाईं अगाडि बढ्ने योग छ। परिवारले तपाईंमाथि विश्वास गर्नेछन्।
मकरः लगानी गर्ने कुरामा सचेत बन्नुपर्नेछ। परिवारको सल्लाह लिएर अगाडि बढेमा दिन सहज बन्नेछ। परीक्षा लेखेको भए राम्रो नतिजा प्राप्त हुनेछ।
कुम्भः शुभ ग्रहको बहुमत भएकाले सोचेका काम बन्नेछ। धार्मिक अभियन्तासँगको भेटले मन शान्त बन्नेछ। परिवारसँग बसेर रमाउने समय आएको छ।
मीनः काम गर्नु अगाडि योजना सार्वजनिक नगर्नु राम्रो हुनेछ। लगानीका क्षेत्रमा जोखिम हुने दिन छ। सङ्कटमा परिवारको भने साथ मिल्नेछ।
