काठमाडौँ । आज २०८१ साल मंसिर ७ गते शुक्रबार तदनुसार सन् २०२४ नोभेम्बर २२ तारिख। सप्तमी तिथि।
मेषः खर्च कटौती गर्नुपर्ने दिन छ। थोरै बोलेर अगाडि बढ्नु राम्रो हुनेछ। परिवारले भन्दा साथीभाइको साथ मिल्नेछ। राम्रो काममा लगानी गरेको भए फाइदा हुनेछ।
वृषः राम्रो बोलौँ भन्दाभन्दै साथीले शब्दको अर्थ उल्टो लगाउने जोखिम रहेको छ। कृषि र फलफूलको क्षेत्रमा गरेको प्रयास सफल बन्नेछ। परिवारसँगको सम्बन्ध सुमधुर बन्नेछ।
मिथुनः राम्रो काम गरेको भए चौतर्फी साथ मिल्नेछ। राजनीतिक क्षेत्रमा भने आरोपको सामना गर्नुपर्ने भएकाले सचेत बन्नु राम्रो हुनेछ। प्रेम सम्बन्ध सुमधुर बन्नेछ।
कर्कटः शिक्षामा गरेको लगानीबाट उन्नति हुनेछ। राज्यको तर्फबाट भय हुनेछ। परिवारले साथ दिनेछन्। साथीको सहयोगमा दिन राम्रो बन्नेछ।
सिंहः सञ्चित धन खर्च हुनेछ। खर्चको उपयोग गर्नुपर्ने समय छ। विदेशको रमझमले मन तान्ने छ। लगानी गरेको भए फाइदा हुनेछ। सेवाको अवसर मिल्नेछ।
कन्याः दिन राम्रो छ। साथीसँगको भेटले मन शान्त बन्नेछ। साथी साथ दिएको मौकामा महत्त्वपूर्ण काम गर्नु राम्रो हुनेछ। परिवारमा सहज वातावरण बन्नेछ।
तुलाः परोपकारमा अग्रसर हुने क्रममा परिवारलाई समय दिन नसक्दा खटपटी हुनेछ। निजी शिक्षामा गरेको लगानीबाट फाइदा हुनेछ।
वृश्चिकः आफूभन्दा ठुलासँगको संगतले तपाईंको काम सार्थक बन्नेछ। साना कुरामा नअल्झिनु राम्रो हुनेछ। स्वदेशमा रोजगारीका विकल्प सिर्जना हुनेछन्।
धनुः सोचेर बोल्नु राम्रो हुनेछ। राज्यका उच्च पदसम्म तपाईंको हात हुनेछ। साथीभाइको सहयोगले काम सहजै बन्नेछ। दान गरेर दिनको सुरुवात गरेमा मन शान्त बन्नेछ।
मकरः अनुत्पादक क्षेत्रको खर्च कटौती गर्नु राम्रो हुनेछ। परिवारको सल्लाह लिएर अगाडि बढेमा दिन सहज बन्नेछ। शिक्षाको क्षेत्रमा ढिलासुस्ती र आलस्यता बढ्नेछ।
कुम्भः बिहान उठेर शिवको भजन वा पिपलको दर्शन गर्न सकेमा दिन सहज बन्नेछ। खानपानमा ख्याल नगरेमा रोगले सताउने छ। व्यवहार गर्दा सचेत बन्नुपर्नेछ।
मीनः मन खुशी हुनेछ। शिक्षाको क्षेत्रमा गरेको प्रयासबाट सफलता मिल्नेछ। स्वास्थ्यमा सुधार हुनेछ। प्रेम सम्बन्ध सुमधुर बन्ने योग छ।
