झापाबाट ११ करोड ४३ लाख बढिको चिया इन्डिया निर्यात

अर्थ

गृहपृष्ठ
अर्थ
झापाबाट ११ करोड ४३ लाख बढिको चिया इन्डिया निर्यात

झापाबाट ११ करोड ४३ लाख बढिको चिया इन्डिया निर्यात

शुक्रबार, मंसिर ७, २०८१ राष्ट्रिय समाचार

झापा। नेपाल बहुउद्देश्यीय सहकारी संस्था (एनएमसी) ले ११ करोड ४३ लाख ६१ हजार बराबरको चिया इन्डिया निर्यात गरेको छ ।

संस्थाले तीन लाख ६४ हजार ४४ केजी तयारी चिया निर्यातबाट उक्त रकम आर्जन गरेको संस्थाका व्यवसाय प्रमुख रवीन्द्र पाण्डेले बताए ।

इलामको सूर्योदय- १, माइजोगमाई- १ र झापाको मेचीनगर- ५ मा संस्थाले तीनवटा चिया प्रशोधन कारखाना सञ्चालनमा ल्याएको छ ।

इलाममा उत्पादित चियालाई उपभोक्ताले रुचाएकाले त्यहाँ उत्पादित हरियोपत्ती संस्थाले खरिद गर्दै आएको छ । संस्थामा तीन सय ५० जना चिया किसान आबद्ध रहेका र चिया व्यवसायमा रु १३ करोड लगानी भएको उनले बताए ।

संस्थाको चिया व्यवसायमा ५२ जनाले प्रत्यक्ष रोजगारी पाएका छन् । संस्थाले ‘एनएमसी’ ब्रान्डमा ब्ल्याक टी, अर्थोडक्स टी र ग्रीन टी उत्पादन गर्दै आएको छ । उत्पादित चिया मध्ये १० प्रतिशत स्वदेशमा खपत हुने र बाँकी विदेश निर्यात हुँदै आएको उनले जानकारी दिए ।

बचत तथा ऋण कारोबार, कृषि फार्म, डेरी उद्योग र सहकारी ‘सुपर मार्केट’ सञ्चालन गरिरहेको उक्त संस्थाले किसानबाट सोझै चियापत्ती खरिद गरेपछि उनीहरू लाभान्वित भएका छन् ।

उनीहरूले अघिल्लो महिनाको भुक्तानी सहज रूपमा हरेक महिनाको १५ गते पाउने गरेका छन् ।

प्रकाशित मिति: शुक्रबार, मंसिर ७, २०८१ ११:३४

प्रतिक्रिया दिनुहोस्