आज २०८१ साल मंसिर ८ गते शनिबार तदनुसार सन् २०२४ नोभेम्बर २३ तारिख। अष्टमी तिथि। गोरखकाली पूजा।
मेषः पञ्चम भावमा चन्द्रमा रहेकाले बौद्धिक क्षेत्रमा गरेको प्रयास सफल बन्नेछ। राज्यको निगरानी रहेकाले सचेत बन्नुपर्नेछ। परिवारको साथ र सहयोग मिल्नेछ।
वृषः थोरै बोल्नु राम्रो हुनेछ। वैदेशिक रमझमले मन तान्नेछ। परिवारको सुझाव अनुसार अगाडि बढेमा व्यापारमा फाइदा हुनेछ।
मिथुनः परोपकार गर्दा मन शान्त हुनेछ। राम्रो कामको प्रशंसा हुनेछ। स्वदेशमा विकल्प देखेर मन खुशी हुनेछ। प्रेम सम्बन्ध सुमधुर बन्ने योग छ।
कर्कटः खर्च कम गर्नु राम्रो हुनेछ। स्वास्थ्यले साथ दिनेछ। नयाँ काम गर्न शरीरमा ऊर्जा थपिनेछ। शिक्षाको क्षेत्रमा झुकाव रहनेछ।
सिंहः आफ्नै राशिमा चन्द्रमा पुगेका छन्। दीर्घकालीन योजनाको तय गर्दा फाइदा हुनेछ। व्यवहार गर्दा सचेत बन्नुपर्ने दिन छ।
कन्याः दाजुभाइ र बन्धुले साथ दिनेछन्। खानपानमा ख्याल नगर्दा रोगको प्रकोप बढ्ने जोखिम छ। सामाजिक क्षेत्रमा सेवाको अवसर मिल्नेछ।
तुलाः आम्दानीका स्रोत धेरै छन्। राम्रो कमाइ भए पनि इज्जतमा भने प्रश्न उठ्ने खतरा देखिन्छ। कानुनको पर्खाइमा भए तपाईंको पक्षमा फैसला हुनेछ।
वृश्चिक: दिन राम्रो छ। मूल त्रिकोणमा चन्द्रमा पुगेकाले मन प्रसन्न हुनेछ। धन जम्मा गर्नेक्रममा इज्जतको ख्याल गर्नु राम्रो हुनेछ। शिक्षाको क्षेत्रमा गरेको प्रयास सफल हुनेछ। परिवारमा भने समस्या हुने जोखिम रहेको छ।
धनुः तपाईंको गला र कलाको प्रशंसा हुनेछ। साथीभाइको साथमा सुरुवात गरेको काम सफल बन्नेछ। खुट्टा तान्ने साथी सक्रिय भएकाले सचेत बन्नु राम्रो हुनेछ।
मकरः मन अशान्त बन्ने जोखिम छ। पूर्वको लामो यात्रा नगर्नु राम्रो हुनेछ। बिहान पिपलको दर्शन र शिवको भजन सुनेर दिनको सुरुवात गरेमा सोचेको काम बन्नेछ।
कुम्भः शुभग्रहको बहुमत भएकाले तपाईंले गरेका प्रयास सफल हुनेछन्। परिवारले राम्रो साथ दिनेछन्। प्रेम सम्बन्ध सुमधुर बन्नेछ।
मीनः साना कुराले मन अशान्त बन्नसक्छ। बोल्दा तीन पटक सोच्नुपर्ने दिन छ। औषधी नियमित नगरेमा रोगले सताउने जोखिम छ।
