काठमाडौँ । आज २०८१ साल मंसिर ९ गते आइतबार तदनुसार सन् २०२४ नोभेम्बर २४ तारिख। नवमी तिथि।
मेषः हिँड्दा अवरोध हुनसक्ने जोखिम छ। सोचेका काममा अवरोध हुनेछ। बिहान उठेर गणेशको पूजा गरेर दिनको सुरुवात गरेमा सोचेको काम बन्नेछ।
वृषः निजी क्षेत्रको शिक्षामा गरेको लगानीबाट फाइदा हुनेछ। परिवारमा ठुलो विश्वास गर्नाले खटपटी बढ्ने जोखिम छ। सामाजिक क्षेत्रमा सेवाको अवसर मिल्नेछ।
मिथुनः साथीभाइले सहयोग गर्नेछन्। परिवारले भने शंकाको घेरामा राख्ने भएकाले सचेत बन्नु राम्रो हुनेछ। प्रेम सम्बन्धमा खटपटी हुनसक्छ।
कर्कटः व्यापारमा नाफा हुनेछ। राजनीतिक क्षेत्रमा साथ र सहयोग प्राप्त हुनेछ। परिवारको कर्तव्यमा सीमित हुँदा फाइदा हुनेछ।
सिंहः बोलीको प्रभावले महत्त्वपूर्ण काम बन्नेछ। तर बोली र व्यवहारमा एक रुपता आवश्यक देखिन्छ। परिवारलाई ठुलो विश्वास गरेमा धोका हुने भएकाले सचेत बन्नु राम्रो हुनेछ।
कन्याः रोगबाट मुक्त हुने दिन छ। परिवारले राम्रो साथ दिनेछ। फलफूल र कृषि क्षेत्रमा गरेको लगानीबाट उन्नति हुनेछ। विदेशमा भन्दा स्वदेशमा विकल्प देखेर रमाउने देखिन्छ।
तुलाः राम्रो कमाइ भए पनि इज्जतमा प्रश्न उठ्ने खतरा देखिन्छ। परिवारको साथ मिल्नेछ। प्रेम सम्बन्ध सुमधुर बन्ने योग छ।
वृश्चिकः बोल्नु अगाडि तीन पटक सोच्नुपर्नेछ। व्यापारमा फाइदा हुनेछ। बौद्धिक व्यक्तिसँगको भेटले फाइदा हुनेछ।
धनुः दिन सहज छ। बोलीको प्रभावले महत्त्वपूर्ण काम बन्नेछ। कला र गलाको प्रदर्शन गर्नुपर्ने समय आएको छ। सामाजिक सेवाको क्षेत्रमा नाम र दामको चर्चा हुनेछ।
मकरः साथीभाइले साथ दिनेछन्। तपाईंको पक्षमा बहुमत प्राप्त हुनेछ। तर्क गरेर आगाडि बढ्नुभन्दा थोरै बोल्दा विजय प्राप्त हुने दिन छ।
कुम्भः मनमा शान्ति मिल्नेछ। बिहान सुरुमै शिवको भजन र पिपलको दर्शन गर्नाले दिन सहज बन्नेछ। परिवारसँगको सम्बन्ध सुमधुर बन्नेछ।
मीनः आफन्तले भन्दा बाहिरका मान्छेले तपाईंको प्रशंसा गर्नेछन्। साना कुराले मनमा झन्झट बढ्नसक्छ। तर्क गर्नु भन्दा काम गरेर देखाउने दिन रहेको छ।
