काठमाडौँ । आज २०८१ साल मंसिर १० गते सोमबार तदनुसार सन् २०२४ नोभेम्बर २५ तारिख। दशमी तिथि। अन्तर्राष्ट्रिय महिला हिंसा अन्त्य दिवस।
मेषः सञ्चित धन खर्च हुनसक्छ। दाजुभाइबाट असहयोग हुनेछ। नराम्रो खबर सुन्नुपर्ने हुनसक्छ। भोलिको सफलता सम्झिएर मन खुशी हुनेछ।
वृषः साथीसँग तर्क गर्नु भन्दा आफ्नो काममा अगाडि बढ्नु राम्रो हुनेछ। सामाजिक क्षेत्रमा सेवाको अवसर मिल्नेछ।
मिथुनः सानो कुराले दुःखी बनाउने जोखिम छ। पठनपाठनमा जोस र जाँगर बढ्नेछ। परिवारमा मनमुटाव हुने भएकाले तर्क नगर्नु राम्रो हुनेछ।
कर्कटः बौद्धिक व्यक्तिसँगको भेटले मन खुशी हुनेछ। दान गरेर दिनको सुरुवात गर्नु फाइदाजनक हुनेछ। साथीसँगको सम्बन्ध सामान्य रहनेछ।
सिंहः दिन राम्रो छ। साथीको साथ लिएर नयाँ कामको सुरुवात गर्दा फाइदा हुनेछ। परिवारमा भने खटपटी बढ्ने जोखिम छ।
कन्याः बोलीका प्रभावले राम्रा काम बन्नेछन्। राज्यको तर्फबाट राहत मिल्नेछ। सामाजिक क्षेत्रमा अगाडि बढ्नु फाइदा हुनेछ। प्रेम सम्बन्ध सुमधुर बन्नेछ।
तुलाः विरोधी सक्रिय भएकाले व्यवहार गर्दा सचेत बन्नुपर्नेछ। पुरुषसँगको भन्दा समाजका महिलासँगको सहकार्य सफल हुनेछ।
वृश्चिकः मसिना कुरामा अल्झिनाले समस्या हुनसक्छ। शिक्षाको क्षेत्रमा गरेको लगानीबाट फाइदा हुनेछ। परिवारले भने साथ दिनेछ।
धनुः भाग्यका स्थानमा चन्द्रमा पुगेकाले प्रष्ट वक्ता बन्नु फाइदाजनक हुनेछ। बौद्धिक व्यक्तिको साथ प्राप्त नहुँदा मन दुःखी भए पनि स्वदेशमा भन्दा विदेशमा गरेको लगानीबाट फाइदा हुनेछ।
मकरः राज्यले तपाईंमाथि अन्याय गर्ने भएकाले सचेत बन्नु राम्रो हुनेछ। पुराना साथीको साथ र सहयोग प्राप्त हुनेछ।
कुम्भः जुनसुकै काममा झन्झट आइपर्न सक्छ। सामाजिक सेवामा भने तपाईंले अवसर प्राप्त गर्नुहुनेछ। परोपकारको क्षेत्रमा सक्रिय भएमा मन शान्त बन्नेछ।
मीनः विदेशमा गरेको लगानीबाट ल्याएको धनबाट नाफा बढ्नेछ। बिहान उठेर शिवको भजन सुनेमा दिन सहज बन्नेछ।
