काठमाडौँ । आज २०८१ साल मंसिर ११ गते मङ्गलबार तदनुसार सन् २०२४ नोभेम्बर २६ तारिख। एकादशी तिथि। उत्पतिका एकादशी व्रत।
मेषः दिन राम्रो छ। समाजमा बोल्दा गम्भीर भएर बोल्नुपर्नेछ। धेरै बोलेमा गोपनीयता भङ्ग हुने जोखिम छ। कृषि सम्बन्धी लगानीबाट फाइदा हुने योग छ।
वृषः शिक्षामा गरेको लगानीबाट फाइदा हुनेछ। परिवारले साथ दिनाले मन प्रसन्न हुनेछ। धार्मिक क्षेत्रमा झुकाव मात्र राखेमा सोचेको काम बन्नेछ।
मिथुनः सञ्चित धनको खर्च हुनेछ। आफ्नै साथीबाट असहयोग हुनसक्छ। दाजुभाइको सल्लाह लिएर अगाडि बढेमा सहजता हुनेछ। बौद्धिक व्यक्तिसँगको भेट फलदायी हुनेछ।
कर्कटः धार्मिक क्षेत्रमा झुकाव मात्र रहेमा मन शान्त बन्नेछ। खानपानमा ख्याल नगर्नाले स्वास्थ्यमा गढबढी हुनेछ। परिवारमा थोरै बोलेर अगाडि बढ्नु राम्रो हुनेछ।
सिंहः आज गरेको लगानी सार्थक बन्नेछ। परिवारसँग चर्चा र परिचर्चा गर्दा सचेत बन्नुपर्नेछ। प्रेम सम्बन्धमा खटपटी हुने जोखिम छ।
कन्याः दिन राम्रो छ। विदेशमा गरेको लगानी फैलिने योग छ। दाजुभाइसँगको गोपनीयताले तपाईंलाई फाइदा हुनेछ। समाज सेवाको अवसर मिल्नेछ।
तुलाः उचित क्षेत्रमा लगानीको लागि निर्णय गरेमा मनमा उत्साह बढ्नेछ। परिवारमा भन्दा घर बाहिर तपाईंको कामको प्रशंसा हुनेछ।
वृश्चिकः आज लाभ प्राप्त हुनेछ। बोल्नु अगाडि ख्याल गर्नुपर्ने हुनसक्छ। प्राविधिक क्षेत्रमा गरेको प्रयास सफल हुनेछ। परिवारको साथ र सहयोग मिल्नेछ।
धनुः बोलीको प्रभावले राम्रो काम बन्नेछ। तपाईंको बोली परोपकारमा लागू गरेमा फाइदा हुनेछ। परिवारको उचित सल्लाह प्राप्त हुनेछ।
मकरः अनुत्पादक क्षेत्रमा बढी खर्च हुनेछ। बिहान उठेर पिपलको दर्शन गरेमा दिन सहज बन्नेछ। निजी क्षेत्रमा कामको अवसर प्राप्त हुनेछ।
कुम्भः साना कुरामा झन्झट थपिने छ। विपक्षी शान्त भएकाले तपाईंको महत्त्वपूर्ण काम बन्नेछ। रोगले सताउने भएकाले खानपानमा विशेष ध्यान दिनुपर्ने दिन छ।
मीनः बोलीमा फरक आउनसक्छ। व्यवहार गर्दा सचेत बन्नुपर्नेछ। साथी र सङ्गठन भन्दा अपरिचित व्यक्तिले तपाईंको प्रशंसा गर्नेछन्। प्रेम सम्बन्ध सुमधुर बन्नेछ।
