काठमाडौँ । आज १३ मंसिर २०८१ साल बिहीबार, कृष्ण त्रयोदशी ।
मेषः जीवन साथीको स्वास्थ्यलाई लिएर चिन्ता रहला। सहकारी तथा वित्तीय संस्थाबाट शुभ सूचना मिल्नेछ। आजको शुभ रङ्ग रातो हो भने शुभ अङ्क १ रहेको छ।
वृषः भाग्यले साथ दिनेछ। धन वा सुखमा वृद्धि हुनेछ। घरपरिवारमा माङ्गलिक कार्यले मन उत्साहित रहनेछ। आर्थिक पक्ष सबल रहनेछ।
मिथुनः आफन्त र जीवन साथीसँग मनमुटावको सम्भावना रहेको छ। आर्थिक कार्यमा गरिएका प्रयासहरू सफल रहनेछन्। कार्यक्षेत्रमा अतिरिक्त कामको जिम्मेवारी बढ्नेछ।
कर्कटः नयाँ नोकरीमा सफलता पाइनेछ। व्यापारबाट लाभ मिल्नेछ। भाइबहिनीबाट घर परिवारमा सहयोग मिल्नेछ।
सिंहः नयाँ योजनाहरू सफल रहनेछन्। लामो समयदेखि रोकिएको धन मिल्ने योग रहेको छ। आफन्तहरूसँग रमाइलो समय बित्नेछ।
कन्याः व्यापार व्यवसायमा थोरै श्रमले पनि राम्रो लाभ मिल्नेछ। नोकरी वा पेशामा आत्तिएर निर्णय नलिनुहोला। साझेदारी व्यापारमा पारदर्शिता राख्नुपर्नेछ ।
तुलाः कार्य क्षेत्रमा आयस्रोत बढ्नेछ। धार्मिक क्षेत्रमा धन खर्चको सम्भावना रहेको छ। नजिकका मानिसहरूबाट सोचेजस्तो सहयोग नमिल्नाले मन अप्रसन्न रहनेछ ।
वृश्चिकः यात्रा गर्दा आफ्नो सामानको ख्याल राखौँ । समाजमा मान प्रतिष्ठा बढ्नेछ। अग्रिम कार्यको प्रतिफल मिल्नेछ। कार्यक्षेत्रमा सहकर्मीहरूको साथ मिल्नेछ।
धनुः व्यापारमा लाभको साथै नयाँ अवसरहरू मिल्नेछन्। वैदेशिक शिक्षालाई लिएर शुभ सूचना मिल्नेछ। व्यवसायसँग सम्बन्धित यात्रा हुनेछ।
मकरः प्रेम सम्बन्ध सुमधुर रहनेछ। पहिला रोकिएका कार्यहरू सम्पादन हुनेछन्। सन्तान पक्षबाट शुभ सूचना मिल्नेछ। नोकरी वा पेशामा वरिष्ठ अधिकारीहरूको सहयोग मिल्नेछ।
कुम्भः आफ्नो बोलीले गर्दा बनेको कार्य बिग्रिन सक्छ। व्यापार व्यवसायमा सामान्य लाभ मिल्नेछ। आफ्नो स्वास्थ्य अनुसार खानपानमा ध्यान दिनुहोस्।
मीनः विद्यार्थीहरूलाई धार्मिक वा आध्यात्मिक अध्ययनमा रुचि बढ्नेछ। जीवनसाथीबाट उपहार मिल्न सक्ला। रोकिएका काम बन्नेछन् भने नयाँ जिम्मेवारी समेत बढ्नेछ।
