काठमाडौँ । बि स २०८१ साल मंसिर १७ गते सोमबार । इस्वी सन २०२४ डिसेम्बर २ तारिख ।
मेषः मेष राशि भएका व्यक्तिहरूको लागि आज दिन सामान्य रहन सक्छ । काममा रोकावट आउन सक्ने रहेकाले ध्यान दिनुपर्ने समय छ।
वृषः धेरै समयदेखि रोकिएका कामहरू आज पुरा हुन सक्छन्। पहिले गरिएको लगानीबाट राम्रो प्रतिफल मिल्न सक्छ। प्रेम सम्बन्धमा रहेकाहरूले आफ्नो प्रेमीसँग राम्रो समय बिताउन सक्छन्।
मिथुनः मनमा उत्साह र उमङ्ग रहनेछ। शत्रुहरू पराजित हुन सक्छन्। प्रेम तथा पारिवारिक जीवन राम्रो रहन सक्छ। राज्यपक्ष र सरकारी कामहरू बन्नेछन्।
कर्कटः सामाजिक प्रतिष्ठा कायम राख्ने समय छ । विद्यार्थीहरूको पढाईमा ध्यान लाग्न सक्छ। शेयर बजारबाट पनि लाभ हुन सक्ने समय रहेको छ।
सिंहः परिवारका साथ समय बिताउन सकिनेछ भने प्रेम जीवनमा रहेकाहरूले प्रेमीसँग घुमघाममा जान सक्ने समय छ।
कन्याः आयआर्जन बढ्नुका साथै धनको सङ्ग्रह हुन सक्ने समय छ। पारिवारिक जीवनमा विश्वासको वातावरण बन्नेछ। अर्थपूर्ण रमाइलो यात्रा हुन सक्छ।
तुलाः सोचविचार नगरी बोल्दा र हतारमा निर्णय लिँदा काममा समस्या हुने तथा आफन्तसँग वैरभाव हुन सक्छ। संचित धनको नाश हुन सक्छ।
वृश्चिकः आज समय राम्रो रहनेछ । आम्दानी बढ्ने र उठ्नुपर्ने रकम हात लागी हुने समय छ । गरेका कामबाट राम्रै लाभ हुनेछ ।
धनुः आज समय सामान्य रहनेछ । आम्दानी भन्दा खर्च बढ्न सक्छ। व्यवसायमा लगानी बढाउनुपर्ने अवस्था सिर्जना हुन सक्छ भने जागिरमा प्रतिस्पर्धीबाट बाधा हुने तथा कामको उचित जस नमिल्ने समय छ।
मकरः श्रमको उचित मूल्याङ्कन हुनेछ । पढाइमा प्रगति हुनेछ । मिष्ठान्न भोजनको अवसर प्राप्त हुने योग छ । रोकिएका आर्थिक लेनदेन मिल्ने र हात लाग्नुपर्ने धन मिल्न सक्छ।
कुम्भः गोचरको शुभ प्रभाव गर्दा दिन राम्रो रहनेछ। नयाँ कामको थालनी गर्नको लागि समय राम्रो छ। पढाईमा प्रगति तथा शेयर कारोबारमा फाइदा हुने योग छ।
मीनः पारिवारिक सुख मिल्नुका साथै अध्ययन- अध्यापनमा प्रगतिको खबर सुन्न पाउनुहुनेछ । आर्थिक पक्ष सुदृढ बन्नेछ । कानुनी वा प्रतियोगितात्मक क्रियाकलापमा विजय प्राप्त हुनेछ ।
