काठमाडौँ । आज २०८१ साल मंसिर १९ गते बुधबार तदनुसार सन् २०२४ डिसेम्बर ४ तारिख। मार्गशीर्ष शुक्ल पक्षको तृतीया तिथि।
मेषः साथीले सुनाएको नराम्रो खबरले मन दुःखी हुनेछ। स्वास्थ्यमा सुधार हुने योग छ। स्वदेशमा गरेको लगानी भन्दा विदेशमा गरेको लगानीबाट फाइदा हुनेछ।
वृषः धार्मिक व्यक्तिसँगको भेटले मन शान्त हुनेछ। आध्यात्मिक क्षेत्रमा ध्यान दिनुपर्ने समय आएको छ। प्रेम सम्बन्ध सफल बन्ने योग छ।
मिथुनः लामो समय सङ्गत गरेका साथीबाटै असहयोग हुनेछ। बोल्दा सचेत बन्नुपर्ने समय छ। खानपानमा विशेष ख्याल गर्नु राम्रो हुनेछ।
कर्कटः आराम गरेर बस्ने अवसर प्राप्त हुनेछ। सानो लगानीबाट राम्रो आम्दानी हुनेछ। सामाजिक क्षेत्रमा सेवाको अवसर मिल्ने योग छ।
सिंहः बोली र व्यवहारमा एक रुपता ल्याउनुपर्ने आवश्यकता देखिन्छ। राज्यका तर्फबाट अवसर मिल्नेछ। प्रेम सम्बन्ध सुमधुर बन्नेछ।
कन्याः सोचेका काम बन्नेछन्। शिक्षाको क्षेत्रमा प्रगति हुनेछ। विपक्षी शान्त रहेकाले तपाईंको योजना अनुसार अगाडि बढ्न सहज हुनेछ।
तुलाः बौद्धिक व्यक्तिले आक्रमण गर्ने भएकाले सचेत बन्नु राम्रो हुनेछ। वैदेशिक रमझमले तपाईंको मन आकर्षित गर्नेछ। लगानी गरेको भए फाइदा हुनेछ। सङ्कटमा परिवारको उचित सल्लाह प्राप्त हुनेछ।
वृश्चिकः दिन सामान्य छ। दाजुभाइको सहकार्यमा गरेको काम सहजै बन्नेछ। समस्या मनमा नराखी साथीसँग साट्नु राम्रो हुनेछ। विदेश जान भिसाको पर्खाइमा भए सफलता मिल्नेछ।
धनुः राज्यको माथिल्लो निकायबाट तपाईंको खोजी हुनेछ। गोपनीयता सार्वजनिक हुँदा तपाईंलाई नै फाइदा हुनेछ। दाम्पत्य जीवनमा समस्या हुने जोखिम छ।
मकरः तपाईंले गरेको प्रयास सफल हुनेछ। बिहान उठेर पन्छीलाई ताना दिँदा फाइदा हुनेछ। शिक्षामा भन्दा व्यापारमा फाइदा हुनेछ।
कुम्भः सहयोग गर्ने भन्दा दुःखमा रमिता हेर्ने साथी धेरै हुनेछन्। स्वास्थ्यमा सुधार हुनेछ। उत्तरको लामो यात्रा नगर्नु राम्रो हुनेछ। परिवारसँगको सम्बन्ध सुमधुर बन्ने योग छ।
मीनः शिक्षामा गरेको प्रयासमा अवरोध हुनसक्छ। सरस्वतीको बन्धना गर्दा फाइदा हुनेछ। परिवार भन्दा बाहिरबाट तपाईंको प्रशंसा हुनेछ।
