काठमाडौँ । आज २०८१ साल मंसिर २१ गते शुक्रबार तदनुसार सन् २०२४ डिसेम्बर ६ तारिख। मार्गशीर्ष शुक्ल पक्षको पञ्चमी तिथि। सीता विवाह पञ्चमी। षडानन्द जयन्ती।
मेषः सञ्चित धन खर्च हुनेछ। अप्रिय शब्दले मन पोल्नसक्छ। आफूभन्दा ठुला व्यक्तिको सुझाव लिएर अगाडि बढेमा फाइदा हुनेछ।
वृषः तर्क गर्नाले बेफाइदा हुनेछ। वैदेशिक क्षेत्रमा गरेको लगानीबाट फाइदा हुनेछ। परिवारको साथ मिल्नेछ। प्रेम सम्बन्ध सुमधुर बन्ने योग छ।
मिथुनः मन शान्त पार्न शास्त्रको अध्ययन गर्नुपर्ने हुन्छ। गुरुसँगको परामर्शको साथमा अगाडि बढेमा सफलता मिल्नेछ। गलत बाटो छोड्नु राम्रो हुनेछ।
कर्कटः पश्चिमको लामो यात्रा नगर्नु राम्रो हुनेछ। उपचारको क्रममा भए सुधारका सङ्केत देखिनेछन्। दाम्पत्य जीवन सहज बन्नेछ।
सिंहः आम्दानी गर्ने दिन छ। एकल लगानी भन्दा संयुक्त लगानीमा फाइदा हुने योग छ। कर्तव्य पूरा गर्ने ढङ्गले अगाडि बढेमा दिन सहज बन्नेछ।
कन्याः विपक्षी शान्त रहेकाले काम सहजै बन्नेछ। शिक्षाको क्षेत्रमा गरेको लगानीबाट फाइदा हुनेछ। विदेशमा लगानी गरेको भए नाफा हुनेछ।
तुलाः अचानक धन खर्च हुनेछ। खानपानमा ख्याल गर्दा रोग बढ्ने जोखिम छ। पुराना रोगसँग सचेत बन्नुपर्नेछ। विपक्षीले आज तपाईंको प्रशंसा गर्नेछन्।
वृश्चिकः निजी निर्णय गर्नु भन्दा साथीसँग सल्लाह गरेर अगाडि बढ्नु राम्रो हुनेछ। सानो कुराले स्वास्थ्यमा समस्या हुनसक्छ। गुरुको सुझाव अनुसार अगाडि बढेमा दिन सहज बन्नेछ।
धनुः रोगसँग लड्ने क्षमता बढ्नेछ। थोरै लगानी गरे पनि व्यापारमा फाइदा हुनेछ। साथीको साथमा काम बन्नेछ।
मकरः मनमा शान्ति हुनेछ। तपाईंको दैनिक काम सफल बन्नेछ। बिहानै पिपलको दर्शन वा दान गरेर दिनको सुरुवात गरेमा काम सहजै बन्नेछ।
कुम्भः सञ्चित धनको खर्च हुनेछ। सानो विषयमा परिवारभित्र झगडा हुनसक्छ। मन अशान्त हुने जोखिम रहेको छ।
मीनः दिन सामान्य राम्रो छ। बोल्दा सचेत बन्नुपर्नेछ। प्राविधिक शिक्षामा गरेको प्रयास सफल बन्नेछ।
