काठमाडौँ । आज २०८१ साल मंसिर २२ गते शनिबार तदनुसार सन् २०२४ डिसेम्बर ७ तारिख। मार्गशीर्ष शुक्ल पक्षको षष्ठी उपरान्त सप्तमी तिथि। अन्तर्राष्ट्रिय नागरिक उड्डयन दिवस ।
मेषः सानातिना कुराले मनमा खटपटी आउने छ। बढी तर्क नगर्नुहोला। आज उत्तरको लामो यात्रा नगर्नु राम्रो हुनेछ। पारिवारिक सम्बन्ध भने सहज रहनेछ।
वृषः आफ्ना कार्यक्षेत्रमा सहयोग मिल्नेछ। शिक्षाको क्षेत्रमा लगानी गरेको भए फाइदा मिल्नेछ। आफूभन्दा ठूला व्यक्तिसँग सल्लाह लिएर गरेको काममा सफलता मिल्नेछ।
मिथुनः सोचेका काम बन्नेछन्। गणेश भगवानको पूजा गर्नु फलदायी हुनेछ। स्वदेशमा लगानीका अवसर मिल्नेछ। परिवारले राम्रो साथ दिने दिन छ।
कर्कटः आजको दिन कम बोल्नु उचित हुनेछ। परिवारको साथ सहयोग मिल्नेछ। मिठो भोजन मिल्ने योग छ। आज पश्चिमको लामो यात्रा नजानु राम्रो हुनेछ।
सिंहः आफूले गरेको प्रयासमा व्यापार व्यवसायमा स्वदेशमा भन्दा विदेशमा गरेको लगानीबाट फाइदा मिल्नेछ। सामाजिक क्षेत्रमा सेवाका अवसर मिल्नेछन्।
कन्याः आज तपाईंको दिन सामान्य रहेको छ। शत्रु बढ्नेछन्। सन्तान सुख मिल्नेछ। शिक्षाको क्षेत्रमा प्रगति हुनेछ।
तुलाः बिहान उठेर सरस्वतीको वन्दना गर्नु राम्रो हुनेछ। प्रशंसा बढ्ने दिन भएकाले मन प्रफुल्लित हुनेछ।
वृश्चिकः सानातिना कुराबाट मनमा खिन्नता बढ्नेछ। थोरै बोल्नु उचित हुनेछ। परिवारमा झुकाव देखाउनाले धोका हुनसक्छ।
धनुः दिन राम्रो रहेको छ। आज सम्पत्ति जम्मा गर्ने दिन छ। थोरै लगानी गरेपनि व्यापारमा फाइदा हुनेछ। आजको यात्रा छोटो र सहजपूर्ण हुनेछ।
मकरः राम्रा काम गर्ने मौका मिल्नेछ। शिक्षाको क्षेत्रमा भने आलस्यता बढ्नेछ। परिवारमा भने तपाईंको साथ सहयोग मिल्नेछ।
कुम्भः मनमा प्रसन्नता हुनेछ। माया मार्न लागेको धन हात लाग्ने सङ्केत मिल्नेछ। नयाँ वस्त्र लगाउने दिन रहेको छ। बिहान पिपलमा पानी हाल्नु राम्रो हुनेछ।
मीनः काममा अवरोध हुनेछ। तर स्वास्थ्यले भने साथ दिने दिन छ। परिवारको सहयोग मिल्नेछ। गणेश भगवानको सम्झना गरे दिन सहज बन्नेछ।
