बिआरआइ सम्झौताका बारेमा गहिरो अध्ययन नगरी टिकाटिप्पणी नगर्न परराष्ट्रमन्त्री राणाको आग्रह

राजनीति

गृहपृष्ठ
राजनीति
बिआरआइ सम्झौताका बारेमा गहिरो अध्ययन नगरी टिकाटिप्पणी नगर्न परराष्ट्रमन्त्री राणाको आग्रह

बिआरआइ परियोजना बिआरआइ सम्झौताका बारेमा गहिरो अध्ययन नगरी टिकाटिप्पणी नगर्न परराष्ट्रमन्त्री राणाको आग्रह

शनिबार, मंसिर २२, २०८१ राष्ट्रिय समाचार

काठमाडौँ । परराष्ट्रमन्त्री डा. आरजु राणा देउवाले नेपाल सरकार र चीनबीच हालै सम्पन्न बेल्ट एन्ड रोड इनिसिएटिभ्स (बिआरआइ) सम्झौतामा ऋण लिने भन्ने विषय कतै उल्लेख नभएको स्पष्ट पारेकी छिन् ।

नेपाल सरकार र चीनबीच हालै भएको सो सम्झौताका बारेमा गहिरो अध्ययन नगरी हलुकारूपमा टिकाटिप्पणी भइरहेको उनको भनाइ थियो ।

इन्टरनेसनल कोर्ट अफ जस्टिस् (आइसिजे) मा जलवायु परिवर्तनसम्बन्धी अन्तर्राष्ट्रिय सुनुवाइमा नेपालका तर्फबाट धारणा राख्न नेदरल्याण्ड्स् प्रस्थान गर्नुअघि आज त्रिभुवन अन्तर्राष्ट्रिय विमानस्थलमा सञ्चारकर्मीसँग कुरा गर्दै बिआरआइ अन्तर्गत सहयोगमा आधारित परियोजनामा हस्ताक्षर गरेको तर ऋण लिने भन्ने कुरा कतै उल्लेख नभएको बताएकी हुन् ।

सो सम्झौताका बारेमा बुझ्दै नबुझी टिप्पणी गरिएको उनको भनाइ थियो । बिआरआइ सम्झौता अनुसारका परियोजनाहरू पनि दुवै देशको सहमतिबाट अघि बढाइने विषय स्पष्टसँग लेखिएकाले नेपालको सहमति अनुसार नै सो सम्झौता अघि बढ्ने पनि उनले स्पष्ट पारिन्।

नेपालले चीनसँग बिआरआइ सम्झौताअन्तर्गत अनुदानमा परियोजनाहरू निर्माण गर्नेगरी हस्ताक्षर गरेको र त्यो पनि सुरक्षा या अन्य कुनै विषयमा नभएर ‘ग्लोबल डेभलपमेन्ट इनिसिएटिभ्स’ अन्तर्गत सहमति गरेको उनले जानकारी दिइन् ।

नेपाल अहिले ऋण लिन सक्ने अवस्थामा छैन भन्ने कुरा आफूले चिनियाँ विदेशमन्त्रीसँग पनि राखेको र उनीहरू यस विषयमा सहमत भएपछि निकै मेहनत गरेर नेपालले बिआरआइ अन्तर्गत नै कोअपरेसन फ्रेमवर्क निर्माण गरी दुवै पक्षको सहमति अनुसार हस्ताक्षर भएको मन्त्री डा राणाले बताइन् ।

प्रकाशित मिति: शनिबार, मंसिर २२, २०८१ १७:३९