काठमाडौँ । आज २०८१ साल मंसिर २३ गते शनिबार तदनुसार सन् २०२४ डिसेम्बर ८ तारिख। मार्गशीर्ष शुक्ल पक्षको सप्तमी उपरान्त अष्टमी तिथि। रवि सप्तमी व्रत, गोरखकाली पूजा।
मेषः सम्पत्तिको व्यवस्थापन गर्न नसक्दा मन दुःखी बन्नेछ। विपक्षी बन्दै गरेका साथीहरूको सहयोग मिल्नेछ। कृषिजन्य व्यवसायमा फाइदा हुने योग छ। दिन सहज रहेको छ।
वृषः थोरै बोल्नु राम्रो हुनेछ। भाग्यस्थानमा चन्द्रमा पुगेकाले लगानीको प्रतिफल राम्रो मिल्नेछ। सहकार्यमा गरेको लगानीबाट फाइदा हुने दिन छ।
मिथुनः गणेश भगवानको पूजा गर्नाले दिन सहज बन्नेछ। शत्रु बढ्नेछन् आफ्नो ख्याल गर्नुहोला। मनमा प्रसन्नता हुनेछ। दाम्पत्य जीवन सफल हुनेछ।
कर्कटः सोचेका काममा बाधा देखापर्नेछ। स्वास्थ्यमा गढबढी हुनेछ। शिक्षामा गरेको प्रयास सफल हुनेछ। परिवारमा भने सहयोग मिल्नेछ।
सिंहः सप्तम भावमा चन्द्रमा पुगेकाले परिवारसँग रमाउने योग रहेको छ। मन भने चञ्चल हुनेछ। दैनिकी काम सहज बन्नेछन्।
कन्याः परोपकारको लागि आफू जति खटेपनि जस अरुले लिनेछन्। धार्मिक व्यक्तित्वसँगको भेटले मनमा शान्ति मिल्नेछ।
तुला: शिक्षामा सफलता मिल्नेछ। स्वास्थ्यमा राम्रो हुनेछ। सामाजिक क्षेत्रमा सेवाका अवसर मिल्नेछन्। परिवारमा मनमुटाव हुनेछ।
वृश्चिकः मनमा सकारात्मक ऊर्जा प्राप्त हुनेछन्। बन्धुसँग गरेको सहकार्यबाट फाइदा हुनसक्छ। ठूला व्यक्तिसँग कुराकानी गर्दा मन शान्त हुनेछ।
धनुः दैनिक काम सहजै बन्नेछ। लगानी गरेको भए फाइदा हुनेछ। खानपानमा ख्याल नगर्दा रोगले सताउने जोखिम छ। बन्धुसँग गरेको सहकार्यले फाइदा हुनेछ।
मकरः महत्त्वपूर्ण काम बन्ने योग छ। लगानीको क्षेत्रमा फाइदा हुनेछ। साथीको साथ मिल्नेछ। परिवारसँग बसेर रमाइलो गर्ने दिन छ।
कुम्भः रोजगारीको विकल्प देखिनेछ। साथीको साथ मिल्नेछ । चिसोबाट जोगिनुपर्ने आवश्यकता छ। छोटो यात्राको सम्भावना देखिन्छ।
मीनः स्वास्थ्यको क्षेत्रमा भएको प्रगतिको प्रशंसा हुनेछ। वैदेशिक रोजगारीमा गरेको लगानीबाट फाइदा हुनेछ। परिवारको साथमा महत्त्वपूर्ण काम बन्नेछ।
