काठमाडौँ । आज २०८१ साल मंसिर २६ गते बुधबार तदनुसार सन् २०२४ डिसेम्बर ११ तारिख। मार्गशीर्ष शुक्ल पक्षको एकादशी तिथि। मानव अधिकार दिवस। आज गीता जयन्ती पर्व मनाइँदै छ ।
मेषः रोगसँग लड्ने क्षमता बढ्नेछ। साथीसँग मिलेर गरेको लगानीबाट फाइदा हुनेछ। प्रेम सम्बन्ध सुमधुर बन्नेछ।
वृषः साथीभाइले असहयोग गर्नेछन्। राम्रो बोल्छु भन्दाभन्दै नराम्रो शब्द निस्कनेछ। पढाइमा जोसजाँगर बढ्नेछ। परिवारसँगको सम्बन्धमा भने खटपटी हुनेछ।
मिथुनः आम्दानीका स्रोत राम्रा छन्। बौद्धिक व्यक्तिसँगको भेटले मन खुशी हुनेछ। साथीभाइको साथमा अगाडि बढाएको कामबाट फाइदा हुनेछ।
कर्कटः आफन्तले नै अपमान गर्नसक्ने भएकाले सचेत बन्नु राम्रो हुनेछ। साना कुराले महत्त्वपूर्ण काममा अवरोध हुनसक्छ। राजनीतिक क्षेत्रमा भने अवसर मिल्नेछ।
सिंहः सम्पत्ति जम्मा गर्ने समय छ। विवाद नगर्नु राम्रो हुनेछ। परिवारसँगको सम्बन्धमा सुधार हुनेछ। प्रेम सम्बन्ध सुमधुर बन्ने योग छ।
कन्याः दिन राम्रो छ। संयुक्त लगानीमा गरेको कामबाट फाइदा हुनेछ। सामाजिक कार्यमा मन जानेछ। आजको दिन एकल लगानी नगर्नु राम्रो हुनेछ।
तुलाः काम गर्नु अगाडि विवेक प्रयोग गर्नुपर्ने हुनसक्छ। परिवारभित्र भन्दा बाहिरका साथीले तपाईंको प्रशंसा गर्नेछन्। परिवारमा भने विवाद हुनसक्छ।
वृश्चिकः दिन खराब भए पनि बन्धुसँगको सहकार्यले फाइदा हुनेछ। पेट सम्बन्धी समस्याको सुधारका लागि खानपानमा ख्याल गर्नुपर्नेछ। प्रेम सम्बन्ध सुमधुर बन्नेछ।
धनुः सानो कुराले मन अशान्त बन्नेछ। बौद्धिक व्यक्तिसँगको भेटले मनमा शान्ति मिल्नेछ। साथीसँगको भेटले मन खुशी हुनेछ।
मकरः दिन सहज बन्नेछ। बिहान उठेर शिवको भजन सुन्नु फाइदाजनक हुनेछ। तपाईंको बोलीको प्रभावले ठुलो काम बन्नेछ। मनका कुरा साथीसँग साट्नु राम्रो हुनेछ।
कुम्भः मन अशान्त बन्नेछ। शिवको भजन सुन्नु फाइदाजनक होला। दक्षिणको लामो यात्रामा नजानु राम्रो हुनेछ। परिवार र बन्धुको साथमा काम बन्नेछ।
मीनः साथीभाइबाट अपमान हुनसक्छ। यात्रा गर्दा सचेत बन्नुपर्नेछ। शिक्षाको क्षेत्रमा गरेको लगानी सफल बन्नेछ। शिवको भजन सुनेर दिनको सुरुवात गरेमा दिन सहज बन्नेछ।
