कैलालीका छुट्टाछुट्टै ठाउँमा मोटरसाइकल दुर्घटनामा तीन जनाको मृत्यु

मुख्य समाचार

गृहपृष्ठ
मुख्य समाचार
कैलालीका छुट्टाछुट्टै ठाउँमा मोटरसाइकल दुर्घटनामा तीन जनाको मृत्यु

कैलालीका छुट्टाछुट्टै ठाउँमा मोटरसाइकल दुर्घटनामा तीन जनाको मृत्यु

बुधबार, मंसिर २६, २०८१ राष्ट्रिय समाचार

सुदूरपश्चिम । कैलालीका छुट्टाछुट्टै तीन स्थानमा भएका सडक दुर्घटनामा घाइते भएका तीन जनाको उपचारका क्रममा मृत्यु भएको छ ।

टीकापुर नगरपालिकास्थित हुलाकी सडकमा भएको सुपप्र ०१- ००८ प ०८१३ नम्बरको मोटरसाइकल दुर्घटनामा घाइते भएका टीकापुर नगरपालिका- १ का २२ वर्षीय विनोद चौधरीको टीकापुर अस्पतालमा उपचारका क्रममा मृत्यु भएको छ ।

गए राति नै गोदावरी नगरपालिका- ४ भीमदत्त राजमार्ग सडकखण्डमा म २ प ९११७ नम्बरको मोटरसाइकल दुर्घटना हुँदा चालक कञ्चनपुर शुक्लाफाँटा नगरपालिकाका- ११ का ३० वर्षीय हिक्मत महराको सेती प्रादेशिक अस्पताल धनगढीमा उपचारका क्रममा मृत्यु भएको हो ।

धनगढी उपमहानगरपालिका- १८ डिपो बजारमा सुपप्र ०१००११ प ७०७१ नम्बरको मोटरसाइकल दुर्घटनामा मोटरसाइकल चालक कैलारी गाउँपालिका- ३ का ४० वर्षीय कमलेश चौधरीको सेती प्रादेशिक अस्पतालमा उपचारका क्रममा मृत्यु भएको जिल्ला प्रहरी कार्यालयका सहायक प्रवक्ता दर्शन खड्काले जानकारी दिए। रासस

प्रकाशित मिति: बुधबार, मंसिर २६, २०८१ १०:३४

प्रतिक्रिया दिनुहोस्