एनपीएल क्रिकेट: काठमाडौँद्वारा लुम्बिनी १८ रनले पराजित

खेलकुद

गृहपृष्ठ
खेलकुद
एनपीएल क्रिकेट: काठमाडौँद्वारा लुम्बिनी १८ रनले पराजित

एनपीएल क्रिकेट: काठमाडौँद्वारा लुम्बिनी १८ रनले पराजित

बुधबार, मंसिर २६, २०८१ राष्ट्रिय समाचार

काठमाडौँ । नेपाल प्रिमियर लिग (एनपीएल) क्रिकेटमा काठमाडौँ गुर्खाजले दोस्रो जीत हात पारेको छ ।

आज भएको खेलमा काठमाडौँले लुम्बिनी लायन्सलाई १८ रनले हराएको हो ।

काठमाडौँले दिएको १ सय ४ रनको लक्ष्य पछ्याएको लुम्बिनी १९ ओभर २ बलमा ८५ रनमा अलआउट भयो । लुम्बिनीका सन्दीप जोराले सबैभन्दा धेरै २६ रन बनाए । काठमाण्डौका कप्तान करण केसीले ४, दिपेश कँडेलले ३ विकेट लिए ।

यसअघि कीर्तिपुरको त्रिवि क्रिकेट मैदानमा टस जितेर ब्याटिङ गरेको काठमाडौँ १९ ओभर २ बलमा १ सय ३ रनमा अलआउट भयो । काठमाडौँका भीम सार्कीले ३१ रन बनाए । लुम्बिनीका साद बिन जफरले ३ विकेट लिए ।

यो जितसँगै काठमाडौँले ४ खेलमा ४ अङ्क जोड्दै तालिकाको पाँचौँ स्थानमा उक्लिएको छ । काठमाडौँ प्लेअफ पुग्ने सम्भावना कायमै छ । लुम्बिनी भने एक खेलअघि नै लिग चरणबाट बाहिरिएको छ । लुम्बिनीले ६ खेल खेल्दा जम्मा २ अङ्क जोडेको छ ।

एनपीएलमा आज भएको पहिलो खेलमा सुदूरपश्चिम रोयल्सले जनकपुर बोल्ट्सलाई ७२ रनले हराएको छ ।

प्रकाशित मिति: बुधबार, मंसिर २६, २०८१ १६:५२

प्रतिक्रिया दिनुहोस्