काठमाडौँ । आज २०८१ साल मंसिर २७ गते बिहीबार तदनुसार सन् २०२४ डिसेम्बर १२ तारिख। मार्गशीर्ष शुक्ल पक्षको द्वादशी तिथि। अन्तर्राष्ट्रिय तटस्थ दिवस।
मेषः सोचेका काम बन्नेछन्। शिक्षाको क्षेत्रमा गरेको प्रयास सफल हुनेछ। परिवारले राम्रो रेखदेख गर्नेछन्। सानो कुरामा विवाद नगर्नु राम्रो हुनेछ
वृषः साना कुरामा झगडा नगर्नु राम्रो हुनेछ। शिक्षामा सफलता मिल्नेछ। राजनीतिक संगठनबाट भने भयको जोखिम छ। व्यवहार गर्दा सचेत बन्नुपर्ने दिन छ।
मिथुनः दिन राम्रो छ। मनमा भएका खटपटी शान्त बन्नेछन्। बौद्धिक व्यक्ति र आफूभन्दा ठुला मान्छेसँगको भेटले मन शान्त बन्नेछ। प्रेम सम्बन्ध सुमधुर बन्नेछ।
कर्कटः परिवारले भन्दा साथीभाइले सहयोग गर्नेछन्। जग्गा सम्बन्धी कारोबारमा तपाईंलाई घाटा हुने जोखिम छ। व्यापार सुस्त हुने भएकाले धैर्यता आवश्यक देखिन्छ।
सिंहः सम्पत्ति आर्जन गर्नका लागि विदेशमा गरेको लगानी सफल बन्नेछ। चिसोबाट बच्नुपर्ने दिन छ। राज्यको तर्फबाट सेवाको अवसर प्राप्त हुनेछ।
कन्याः बोलीका कारणले साथीले सहयोग गर्नेछन्। मनमा लागेको कुरा लुकाएर राख्नु भन्दा साथीसँग साट्नु राम्रो हुनेछ। परिवारमा भने खटपटी बढ्नेछ।
तुलाः लामो समयदेखि खोजी गरेको महत्त्वपूर्ण सामग्री फेला पर्नेछ। सामाजिक क्षेत्रमा सेवाको अवसर मिल्नेछ। आफन्तले भन्दा अपरिचित व्यक्तिले प्रशंसा गर्नेछन्।
वृश्चिकः सञ्चित धन खर्च हुने योग छ। साथीभाइको साथ मिल्नेछ। इज्जत बढ्नेछ। बिहान उठेर पिपलको दर्शन गरेर दिनको सुरुवात गरेमा दैनिकी सहज बन्नेछ।
धनु स् दिन राम्रो छ। तपाईंमाथि लागेको आरोपबाट मुक्ति मिल्नेछ। साथीभाइसँगको सहकार्यमा अगाडि बढ्नु राम्रो हुनेछ। पशुपन्छी र कृषि क्षेत्रमा गरेको लगानीबाट लाभ हुनेछ।
मकरः गल्ती नगरेको ठाउँमा पनि गम्भीर आरोप लाग्ने जोखिम छ। परिवारले शंका गर्ने भएकाले व्यवहार गर्दा सचेत बन्नुपर्नेछ।
कुम्भः एकल निर्णयले घाटा हुने भएकाले संयुक्त लगानी र सहकार्यमा अगाडि बढ्नु फाइदा हुनेछ। परिवारसँगको सम्बन्ध सुमधुर बन्ने योग छ।।
मीनः धनलक्ष्मी योगलाई सदुपयोग गर्नु राम्रो हुनेछ। शिक्षाको क्षेत्रमा प्रगति हुनेछ। साथीभाइले असहयोग गर्ने भएकाले व्यवहार गर्दा सचेत बन्नुपर्ने समय छ।
