आज २०८१ साल मंसिर २८ गते शुक्रबार तदनुसार सन् २०२४ डिसेम्बर १३ तारिख। मार्गशीर्ष शुक्ल पक्षको त्रयोदशी तिथि। प्रदोष व्रत।
मेषः व्यापारमा फाइदा हुने योग छ। वैदेशिक क्षेत्रको आकर्षण बढ्नेछ। परिवारसँगको सम्बन्ध राम्रो बन्नेछ। प्रेम सम्बन्ध सुमधुर बन्ने योग छ।
वृषः थोरै श्रम गरेर राम्रो आम्दानी हुनेछ। शिक्षाको क्षेत्रमा प्रगति हुनेछ। चिसोबाट बच्नु राम्रो हुनेछ। परिवारको साथमा बसेर रमाइलो गर्ने दिन छ।
मिथुनः राजनीतिक सेटिङ मिलेमा सेवाको अवसर मिल्नेछ। साथीभाइको साथ मिल्नेछ। समय दिन नसक्दा परिवारमा भने खटपटी बढ्ने जोखिम रहेको छ।
कर्कटः शुभग्रहको बहुमत छ। आफन्तसँग बोल्दा भने सचेत बन्नुपर्नेछ। परिवारको सुझाव अनुसार अगाडि बढेमा हरेक क्षेत्रमा सफलता मिल्नेछ।
सिंहः व्यापारमा हात लगाएको भए सफलता मिल्नेछ। एकल लगानीबाट फाइदा हुने योग छ। गोपनीयतालाई सुरक्षित गर्नु राम्रो हुनेछ।
कन्याः ठुला व्यक्तिको सेवामा दिन बित्नेछ। आफन्तले प्रयोग गर्ने भएकाले सचेत बन्नु राम्रो हुनेछ। प्रेम सम्बन्ध सुमधुर बन्नेछ।
तुलाः सञ्चित धन खर्च हुनेछ। साथीसँग बोल्दा सचेत बन्नुपर्नेछ। कला र गलाको प्रशंसा हुनेछ। परिवारको सल्लाह अनुसार गरेको काम सफल बन्नेछ।
वृश्चिकः दिन सामान्य छ। स्वास्थ्यले साथ दिनेछ। बोली र व्यवहारमा एकरूपता नभएमा समस्या हुनेछ। बिहान उठेर पिपलको दर्शन मात्र गरेमा मन शान्त बन्नेछ।
धनुः दैनिक काम सहजै बन्नेछन्। तपाईंको प्रशंसा हुनेछ। गुरुसँग भेट हुने योग छ। तपाईंका विरोधी साथी सक्रिय भएकाले बोलीमा ख्याल गर्नुपर्नेछ।
मकरः अनुत्पादक क्षेत्रको खर्च कटौती गर्नु राम्रो हुनेछ। स्वदेशमा गरेको लगानी भन्दा विदेशको रमझमले मन तान्नेछ। विदेशमा लगानी भए राम्रो फाइदा हुनेछ।
कुम्भः आफन्तले प्रशंसा गर्नेछन्। मनमा भएका बेदना पोख्नु राम्रो हुनेछ। विपक्षी शान्त भएकाले काम गर्ने अवसर मिल्नेछ। परिवारसँगको सम्बन्ध सुमधुर बन्नेछ।
मीनः व्यवहार र बोलीमा एकरूपता आवश्यक देखिन्छ। शिक्षामा गरेको लगानीबाट फाइदा हुनेछ। सहकर्मी साथीले तपाईंको प्रशंसा गर्नेछन्।
