एनपीएल क्रिकेटः विराटनगरको दोस्रो जित, चितवन ५१ रनले पराजित

खेलकुद

गृहपृष्ठ
खेलकुद
एनपीएल क्रिकेटः विराटनगरको दोस्रो जित, चितवन ५१ रनले पराजित

एनपीएल क्रिकेटः विराटनगरको दोस्रो जित, चितवन ५१ रनले पराजित

शुक्रबार, मंसिर २८, २०८१ राष्ट्रिय समाचार

काठमाडौँ । विराटनगर किंगसले नेपाल प्रिमियर लिग (एनपीएल) मा चितवन राइनोजलाई ५१ रनले पराजित गरेको छ ।

एनपीएलमा विराटनगरको यो दोस्रो जित हो । यो जितपछि ६ खेलबाट ४ अङ्क जोडेको विराटनगरको प्लेअफको झिनो सम्भावना कायम राखेको छ ।

चितवनको भने ६ खेलमा यो तेस्रो हार हो । यसले प्लेअफ पुग्ने चितवनको अभियानमा ठूलो धक्का लागेको छ । ६ खेलबाट ६ अङ्क सहित चितवन चौथो स्थानमै यथावत रहेको छ । चितवनले अब लिगको अन्तिम खेलमा शनिवार प्लेअफमा छनोट भइसकेको जनकपुर बोल्ट्सको सामना गर्नेछ ।

विराटनगरको जितमा अलराउण्ड प्रदर्शन गरेका बसिर अहमदले ब्याटिङमा अर्धशतक बनाए भने किफायती बलिङ गर्दै १ विकेट लिए ।

विराटनगरले दिएको १८२ रनको लक्ष्य पछ्याएको चितवनले पूरै २० ओभर खेल्दा ५ विकेट गुमाएर १३० रन मात्र बनाउन सक्यो ।

प्रकाशित मिति: शुक्रबार, मंसिर २८, २०८१ १६:४४

प्रतिक्रिया दिनुहोस्